18:01 23 ապրիլի 2021
Ուղիղ եթեր
  • USD521.89
  • GBP724.44
  • EUR629.24
  • RUB6.94
Հայաստան
Ստանալ կարճ հղումը
49 0 0

Ֆրանսահայ եղբայրները նաև եղել են բարեգործական հիմնադրամում ու ծանոթացել ֆրանսահայ կամավորների հետ։

ԵՐԵՎԱՆ, 1 դեկտեմբերի - Sputnik. Յուրի և Դենիս Ջորկաեֆներն այցելել են Սփյուռքի գլխավոր հանձնակատարի գրասենյակ։ Տեղեկությունը հրապարակվել է գրասենյակի Facebook-յան էջում։ Գլխավոր հանձնակատար Զարեհ Սինանյանը շնորհակալություն է հայտնել ֆրանսահայ եղբայրներին պատերազմի օրերին Հայաստանին ցուցաբերած ահռելի օգնության համար։ Նա հույս է հայտնել, որ այս համագործակցությունն ավելի կխորանա:

Դենիս Ջորկաեֆը ֆրանսիական Դեսինի փոխքաղաքապետն է։ Հիշեցնենք, որ Դեսին-Շարպիո քաղաքն օրեր առաջ բանաձև է ընդունել Արցախում տիրող իրավիճակի վերաբերյալ և կոչ արել կառավարությանը ճանաչել Արցախի անկախությունը։

«Հայաստանը սփյուռքին է պետք և սփյուռքը՝ հայրենիքին»,- հանդիպման ընթացքում նշել է Դենիս Ջորկաեֆը: Նա նշել է, որ պատերազմի ընթացքում հատկապես գլխավոր հանձնակատարի գրասենյակի հետ շատ սերտ և արդյունավետ աշխատանք է ծավալվել:

«Աշխարհի ֆուտբոլի չեմպիոն Յուրի Ջորկաեֆն ընդգծեց, որ մշտապես ներգրավված է եղել Արցախին օգնելու գործում և պատրաստակամ է այն շարունակել: Հանդիպման ընթացքում քննարկվեցին նաև ֆրանսահայ համայնքի հետ աշխատանքին առնչվող մի շարք ուղղություններ»,- նշված է հաղորդագրության մեջ։

Սինանյանը Ջորկաեֆ եղբայրների ուղեկցությամբ այցելել է «Մենք հայ ենք» միասնական բարեգործական հիմնադրամ։ Այն գործում է սփյուռքահայերի, մասնավորապես ֆրանսահայերի ջանքերով: Հիմնադրամը հումանիտար օգնություն է տրամադրում արցախահայությանը: Հյուրերը շրջել են հիմնադրամում, ծանոթացել ֆրանսահայ երիտասարդ կամավորների հետ:

Հիշեցնենք` Ֆրանսիայի ֆուտբոլի հավաքականի կազմում Եվրոպայի և աշխարհի առաջնության չեմպիոն Յուրի Ջորկաեֆի եղբայրը՝ ՀՖՖ նախագահի խորհրդական Դենիս Ջորկաեֆը, հոկտեմբերի 16-ին Արցախի անկախությունը ճանաչելու կոչով դիմել էր Ֆրանսիայի նախագահ Էմանուել Մակրոնին։ 

Ըստ թեմայի

«Ես ճանաչում եմ Արցախը», կամ Հայաստանի բաց թողած հնարավորությունը
Ֆրանսիան չի ճանաչում Լեռնային Ղարաբաղի Հանրապետությունը. ԱԳՆ
«Ճանաչեք Արցախը»․ Նյու Յորքի հայերն ակցիա են անցկացրել Մանհեթենում
թեգերը:
Զարեհ Սինանյան, Սփյուռք, Հայաստան

Գլխավոր թեմաներ