13:12 16 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Հայաստան
Ստանալ կարճ հղումը
10220

ՀՀ արտգործնախարարության մամուլի խոսնակը կարևորում է նաև միջազգային հանրության նման քայլերը՝ ի նպաստ ԵԱՀԿ Մինսկի խմբի համանախագահության շրջանակներում ԼՂ–ի հիմնախնդրի վերջնական ու արդարացի լուծմանը։

ԵՐԵՎԱՆ, 4 դեկտեմբերի – Sputnik. ՀՀ ԱԳՆ մամուլի խոսնակ Աննա Նաղդալյանն անդրադարձել է Ֆրանսիայի Ազգային ժողովի` Լեռնային Ղարաբաղի ճանաչման անհրաժեշտության մասին բանաձևին և ողջունել այդ քայլը։

Նախորդ շաբաթ Ֆրանսիայի Սենատն էր նույնանման բանաձև ընդունել։

«Ֆրանսիայի խորհրդարանի` թե՛ ստորին և թե՛ վերին պալատների այս միասնական դիրքորոշումը խորհրդանշում է Ֆրանսիայի և ֆրանսիացիների վճռական բողոքի ձայնը։ Այդ բողոքի ձայնն ուղղված է ընդդեմ Ադրբեջանի կողմից Թուրքիայի ու ահաբեկիչ վարձկանների աջակցությամբ Արցախի ժողովրդի հանդեպ իրականացրած ագրեսիայի և էթնիկ զտման ու ցեղասպան նկրտումներ պարունակող քաղաքականության»,–նշված է Նաղդալյանի մեկնաբանության մեջ։

Նա կարևոր է համարում, որ բանաձևում արձանագրվում են նաև Արցախի խաղաղ բնակչության անվտանգության երաշխավորման անհրաժեշտության, Ադրբեջանի կողմից ռազմական ճանապարհով խաղաղության գործընթացը ձախողելու և ԼՂ–ում Թուրքիայի աջակցությամբ ահաբեկչական խմբավորումների և վարձկանների տեղակայման փաստերը։

Բացի այդ, ԱԳՆ խոսնակը կարևորում է նաև միջազգային հանրության նման քայլերը՝ ի նպաստ ԵԱՀԿ Մինսկի խմբի համանախագահության շրջանակներում ԼՂ–ի հիմնախնդրի վերջնական ու արդարացի լուծմանը։ Այդ քայլերն ի նպաստ են նաև Արցախի՝ ինքնորոշման իրավունքի վրա հիմնված կարգավիճակի ճանաչմանը, ինչն այսօր դարձել է արցախահայության անվտանգության ապահովման գլխավոր հրամայականներից մեկը։

Հիշեցնենք, որ Ազգային ժողովի ընդունած բանաձևից հետո Բաքվում Ֆրանսիայի դեսպան Զաքարի Գրոսին Ադրբեջանի ԱԳՆ են կանչել։

Ըստ թեմայի

ԵԱՀԿ ՄԽ–ն հորդորում է բոլոր վարձկաններին արագ հեռանալ Լեռնային Ղարաբաղի տարածաշրջանից
Լավրովը ԵԱՀԿ-ին հորդորել է ակտիվություն ցուցաբերել ղարաբաղյան կարգավորման հարցում
Հայաստանը մեզ չի խնդրում ճանաչել Ղարաբաղը. Ֆրանսիայի արտգործնախարար
Ի՞նչ տարբերակ էր առաջարկվել 1997-ին ղարաբաղյան խնդիրը կարգավորելու համար
թեգերը:
բանաձև, Աննա Նաղդալյան, Ֆրանսիա, Հայաստան

Գլխավոր թեմաներ