06:52 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հայաստան
Ստանալ կարճ հղումը
76 0 0

ՀՀ արդարադատության նախարար Ռուստամ Բադասյանը ներկայացրել է Քրեական նոր օրենսգրքի նախագծի կարևոր կետերը։

ԵՐԵՎԱՆ, 9 դեկտեմբերի – Sputnik. Ազգային ժողովն այսօր առաջին ընթերցմամբ ընդունեց Քրեական նոր օրենսգրքի նախագիծը։

ՀՀ արդարադատության նախարար Ռուստամ Բադասյանը Facebook–ի իր էջում գրել է, որ այս նոր օրենսգիրքը սպասված ու կարևոր է։

Բժշկական համալսարանը կոչ է անում հետ կանչել բարձրագույն կրթության մասին օրենքի նախագիծը

Նա մի քանի կետով ներկայացրել է բարեփոխումների հիմնական ուղղությունները։

Քրեական օրենսգրքի նախագծով նախատեսվում է․

  1. Որդեգրվել է պատժողական քաղաքականությունից վերասոցիալականացման քաղաքականության անցման գաղափարախոսությունը. որպես պատժի նպատակ սահմանվել է պատժի ենթարկված անձի վերասոցիալականացումը: Ընդլայնվել է ազատությունից զրկելու հետ չկապված պատիժների ցանկը՝ այդպիսով ազատազրկումը դիտելով որպես ծայրահեղ միջոց։
  2. Կատարելագործվել են ներկայումս գոյություն ունեցող պատժատեսակների կիրառման ընթացակարգերը։ Օրինակ՝ փոխվել է հանրային աշխատանքներ և տուգանք պատժատեսակների կիրառման վերաբերյալ ձևավորված մոտեցումը:
  3. Քրեական դատավարության նոր օրենսգրքի նախագծի կարգավորումներին համահունչ, պատժի նշանակման առանձնահատուկ կարգավորումներ են նախատեսվել համաձայնեցման և համագործակցության վարույթների դեպքում:
  4. Հստակ սահմանվել են անչափահասների նկատմամբ քրեական պատասխանատվության և պատժի առանձնահատկությունները: Մասնավորապես, հաշվի առնելով անչափահասների սոցիալ-հոգեբանական առանձնահատկությունները` նախատեսվել է, որ հանցանքը կատարելիս 18 տարին չլրացած անձինք ցմահ ազատազրկման չեն կարող դատապարտվել:
  5. Սահմանվել է իրավաբանական անձանց քրեական պատասխանատվության ինստիտուտը, պատիժների համակարգը:
  6. Հստակեցվել և կատարելագործվել են պատժից ազատելու ինստիտուտները և այլն։

Կատարված աշխատանքի համար նախարարը շնորհակալություն է հայտնել Եվրոպայի խորհրդին և նախագիծը մշակած աշխատանքային խմբին:

Ըստ թեմայի

ԵՊՀ դեկանները պահանջում են անհապաղ հետ կանչել վիճահարույց օրենքի նախագիծը
ԱԺ-ն հաստատեց գերեվարված զինվորականների իրավունքները պաշտպանող օրենքը
Որն է բարձրագույն կրթության մասին օրենքի ամենաաղմկահարույց կետը. մեկնաբանում է փորձագետը
թեգերը:
բերդ, Հայաստան, Ռուստամ Բադասյան, օրենսգիրք, Անչափահաս

Գլխավոր թեմաներ