05:42 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Հայաստան
Ստանալ կարճ հղումը
76901

ՀՀ վարչապետն ասաց, որ շատ հարցերում մեղավոր է սյունեցիների առաջ. նրանք շատ ավելիին են արժանի։

ԵՐԵՎԱՆ, 21 դեկտեմբերի – Sputnik. ՀՀ վարչապետ Նիկոլ Փաշինյանն այսօր Սյունիքում չեղարկեց նախապես ծրագրված այցերը Գորիս, Կապան, Մեղրի քաղաքներ։ Նա այդ մասին հայտարարեց Սիսիանում։

«Այս սգի օրը սադրանքների չենք տրվելու։ Մեղրին էլ, Կապանն էլ, Գորիսն էլ իրենց տեղում են։ Այսօր մենք հանդիպեցինք սյունեցիների հետ, մեր խոնարհումը բերեցինք և խնկարկեցինք սյունեցի զինվորների գերեզմաններին, ու այս պրոցեսը կշարունակենք»,- ասաց Փաշինյանը։

Նա ավելացրեց, որ Երևան-Գորիս ճանապարհը գորիսեցիները փակել են այն պատճառով, որովհետև գիտեն` իրեն լավ են ընդունելու այդ քաղաքներում։

«Գործարք եմ առաջարկում, թող բացեն ճանապարհը, գնանք, տեսնենք՝ ինչ տրամադրություն է այդ քաղաքներում։ Եթե չեն բացում, ոչինչ, հաջորդ անգամ կգնանք, բայց այսօր մենք սադրանքների չենք գնա։ Ես ասեցի` գալիս եմ սյունեցիների աչքերին նայելու, ես նայեցի սյունեցիների աչքերին։ Գիտեմ, որ շատ հարցերում մեղավոր եմ ձեր առաջ, դուք շատ ավելիին եք արժանի, ցավոք սրտի, Հայաստանի ոչ մի իշխանություն, այդ թվում՝ մեր իշխանությունը չի կարողացել երկիրը հասցնել նրան, ինչին արժանի եք։ Հույս ունեմ` կստացվի այնպես, որ ձեր վստահությանը արժանի կլինեմ»,- շեշտեց վարչապետը։

Հիշեցնենք` դեկտեմբերի 18-ին Նիկոլ Փաշինյանը հայտարարել էր, որ այսօր Սյունիք է այցելելու։ Գորիսի քաղաքապետ Առուշ Առուշանյանը երեկ գրառում էր արել Facebook–ի էջում՝ կոչ անելով համաքաղաքացիներին արգելել վարչապետի մուտքը Սյունիք։ Մարդիկ վաղ առավոտյան շարժվել էին դեպի Սյունիքի դարպասներ, սակայն պարզվել էր, որ ոստիկաննությունն արդեն փակել է ճանապարհը` արգելելով նրանց առաջ շարժվել։ Ավելի ուշ տեղեկություններ տարածվեցին, որ ՀՀ վարչապետը Սյունիք է հասել ուղղաթիռով։

Ըստ թեմայի

Փաշինյանի հետ երկխոսություն լինել չի կարող` նա դեռ չի պատասխանել մեզ. Գորիսի փոխքաղաքապետ
«Եթե հրաժարական տաք, մեզ կդավաճանեք». Փաշինյանն արդեն Սառնակունք գյուղում է
Սիսիանի եկեղեցու քահանան հրաժարվեց սեղմել Նիկոլ Փաշինյանի ձեռքը
թեգերը:
Սյունիք, Նիկոլ Փաշինյան, Հայաստան

Գլխավոր թեմաներ