16:39 20 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Հայաստան
Ստանալ կարճ հղումը
200 0 0

Արժույթի աժիոտաժային պահանջարկի պատճառով նոյեմբերին դոլարի փոխարժեքն աճել է, այդ պատճառով սկսել են թանկանալ ներկրվող ապրանքները, այդ թվում` վառելիքը:

ԵՐԵՎԱՆ, 23 դեկտեմբերի – Sputnik. Բենզինն ու հեղուկացված գազը Հայաստանում թանկացել են։ Լցակայաններում բենզինի գինը մի քանի տոկոսով աճել է։ Հիմա «ռեգուլյար» բենզինը լցակայաններում մեկ լիտրի համար 360-370 դրամ արժե։ Թանկացել է նաև հեղուկացված գազը, որի գինը կապում են բենզինի հետ (սովորաբար մեկ լիտրի համար մոտավորապես կրկնակի պակաս գին են հաստատում)։

Որոշ տաքսիստներ արդեն հասցրել են օգտվել առիթից և կրկնակի բարձր գին պահանջել։

Ինչպես Sputnik Արմենիային հայտնեցին տնտեսական մրցակցության պաշտպանության պետական հանձնաժողովից, այժմ իրականացվում է բենզինի միջազգային գների մոնիթորինգ: Համաշխարհային գների, ինչպես նաև երկրի ներսում բենզալցակայանների գների մոնիթորինգի արդյունքներով Հանձնաժողովը հանդես կգա հաղորդագրությամբ, թեև հնարավոր է` արդեն Ամանորից հետո:

«Սպառողների խորհրդատվության կենտրոն» ՀԿ-ի նախագահ Կարեն Չիլինգարյանը Sputnik Արմենիայի հետ զրույցում նշեց, որ այսպես թե այնպես, պետք է ուշադրություն դարձնել, որ երկու տարի առաջ բենզինը զգալիորեն թանկ արժեր։

Դոլարի թանկացումից ՀՀ քաղաքացիներն ու բիզնեսը 5-7 մլրդ դրամի վնաս են կրել. ԿԲ նախագահ

«Երկու տարի առաջ բենզինը մեկ լիտրի համար արժեր 470-480 դրամ, 2018-ի գարնանը էժանացել է մինչև 300 դրամ: Պարզապես, երբ ապրանքը էժանանում է, դրան ավելի քիչ ուշադրություն են դարձնում, քան այն ժամանակ, երբ թանկանում է։ Ինչ վերաբերում է տաքսու վարորդներին, ապա հնարավոր է, որ եղել են խարդախության դեպքեր, բայց եթե նրանք զանգվածային լինեին, մենք կիմանայինք այդ մասին»,-ավելացրեց Չիլինգարյանը։

Նշենք, որ 2020 թ.-ի մարտ-ապրիլ ամիսներին նավթն էժանացել էր մինչև մեկ բարելի դիմաց 10-15 դոլար, սակայն հունիսի սկզբին կրկին թանկացավ մինչև 40 դոլար, իսկ վերջին ամսվա ընթացքում դրա գինն աճել է՝ հասնելով 50 դոլարի: Բացի այդ, մի քանի տոկոսով աճել է դոլարի փոխարժեքը՝ նոյեմբերին արժույթի աժիոտաժային պահանջարկի պատճառով։ Արդյունքում աճել են բոլոր ներկրվող ապրանքների գները (ներառյալ ալյուրը, շաքարը և կարագը)։ Ավելի վաղ գնային ճնշումների մասին հայտարարել էին ալյուրի ներկրողներն ու ալրաղացի ձեռնարկությունները։

Տեղական ձուն թանկացել է. արտադրողները նշում են թանկացման պատճառը

Ըստ թեմայի

Կպղտորի արդյո՞ք ղազախական նավթը ՌԴ-ից և Իրանից եկող հոսքերը. ի՞նչ սպասել բենզինի շուկայում
Ղազախական վառելիքը կլուծի բենզինի շուկայի մենաշնորհային երևույթների խնդիրը
Բենզինի գնի տատանումները Հայաստանում․ հետհայացք և կանխատեսումներ
թեգերը:
Հայաստան, թանկանալ, բենզին, գազի սակագին, գազալցակայան

Գլխավոր թեմաներ