09:40 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Հայաստան
Ստանալ կարճ հղումը
105 0 0

Արգիշտի Քյարամյանը քննչական կոմիտե է վերադարձել աշխատանքի։ ՔԿ նախագահը ներկայացրել է նրան։

ԵՐԵՎԱՆ, 28 դեկտեմբերի – Sputnik. Քննչական կոմիտե վերադառնալը ՔԿ նախագահի նորանշանակ տեղակալ Արգիշտի  Քյարամյանի համար պատիվ է, առավել ևս՝ պետության համար այս շատ կարևոր ժամանակահատվածում: Քյարամյանը նման կարծիք է հայտնել այսօր, երբ  ՀՀ քննչական կոմիտեի նախագահ Հայկ Գրիգորյանն աշխատանքային խորհրդակցության ժամանակ ներկայացրել է նրան։

«Կարծում եմ՝ քննիչի աշխատանքն իրավաբանության կարևոր գործառույթներից  մեկն է, որովհետև քննիչն այն դարբինն է, որը կռում է իրավաբանությունը»,–ասում է Քյարամյանը։

Հայկ Գևորգյանն էլ հայտնել է, որ վստահ է` Քյարամյանը, ունեցած փորձառությամբ, գիտելիքներով, շատ օգտակար կլինի  Քննչական կոմիտեի առջև դրված խնդիրների լուծման գործում: «Հրամանով հաստատվել են նաև այն ոլորտները, որոնք համակարգելու է ՔԿ նախագահի նորանշանակ տեղակալը»,- ասել է ՔԿ նախագահը:

Հիշեցնենք, որ դեկտեմբերի 24-ին ՀՀ վարչապետ Նիկոլ Փաշինյանի հրամանագրով ԱԱԾ նախկին տնօրեն Արգիշտի Քյարամյանը նշանակվել է ՀՀ քննչական կոմիտեի նախագահի տեղակալ։

Նշենք, որ Արգիշտի Քյարամյանը ԱԱԾ տնօրենի պաշտոնից ազատվել էր հոկտեմբերի 8–ին։ Նա այդ պաշտոնում շատ կարճ պաշտոնավորեց` ընդամենը 4 ամիս։

Նրան նշանակելը սպառնալիք էր ազգային անվտանգությանը. Վանեցյանը` Քյարամյանի մասին

Ավելին, նա ԱԱԾ համակարգ էր ոտք դրել տնօրենի պաշտոնում նշանակվելուց մոտ մեկ ամիս առաջ` որպես ԱԱԾ փոխտնօրեն։ Դրանից առաջ նա 1 օրով նշանակվել էր ՀՀ Քննչական կոմիտեի նախագահի տեղակալ։

Ավելի վաղ` 2019 թվականի մարտի 1-ից, Քյարամյանն աշխատել է որպես ՀՀ պետական վերահսկողական ծառայության ղեկավարի օգնական, ապա ղեկավարի տեղակալ, հետո նաև պետի ժամանակավոր պաշտոնակատար։

Ըստ թեմայի

ՀՀ ԱԽ քարտուղարն ու Իրանի դեսպանն անդրադարձել են ռազմաքաղաքական անվտանգային իրավիճակին
Իրանում ՀՀ դեսպանը և ԻԻՀ անվտանգության խորհրդի քարտուղարը քննարկել են տարածաշրջանի հարցերը
Արման Թաթոյանն արձագանքել է ԱԺ-ի մոտ տեղի ունեցած միջադեպերին
թեգերը:
տեղակալ, ՀՀ քննչական կոմիտե, Արգիշտի Քյարամյան

Գլխավոր թեմաներ