ԵՐԵՎԱՆ, 28 դեկտեմբերի - Sputnik. Հայ գերիներից մեկին շտապօգնության ավտոմեքենայով են տեղափոխել«Էրեբունի» օդանավակայանից։ Տեղեկությունը հայտնում է WarGonzo Տելեգրամ–ալիքը՝ վկայակոչելով Զինված ուժերի գլխավոր շտաբի իր աղբյուրներին։
«Խաղաղապահ ուժերի հրամանատար Ռուստամ Մուրադովի միջոցով Բաքվից վերադարձած գերիներից մեկը հոսպիտալացման կարիք է ունեցել», - գրված է հաղորդագրության մեջ:
Հիշեցնենք` ՀՀ փոխվարչապետ Տիգրան Ավինյանը քիչ առաջ հայտնեց, որ Հայաստան են վերադարձել ևս 4 գերիներ։ Գործընթացն իրականացվել է Ռուսաստանի Դաշնության և Կարմիր խաչի միջազգային կոմիտեի միջնորդությամբ։
Նշենք, որ Հայաստանի, Ռուսաստանի և Ադրբեջանի ղեկավարների` նոյեմբերի 9–ին ստորագրած հայտարարությունից հետո, որով դադարեցվեցին Արցախում ընթացող ռազմական գործողությունները, գերիների առաջին խումբը (44 հոգի) Հայաստան էր վերադարձել դեկտեմբերի 14-ի գիշերը։
