10:10 22 հունվարի 2021
Ուղիղ եթեր
  • USD518.89
  • GBP712.54
  • EUR629.98
  • RUB7.05
Հայաստան
Ստանալ կարճ հղումը
30210

ՀՀ էկոնոմիկայի նախարարի խոսքով` միայն դեֆիցիտը լրացնելու համար պետք է մոտ 120 մլն եվրո ներդնել թռչնաֆաբրիկաներում, բայց կարելի է ավել շատ էլ ներդնել ԵԱՏՄ երկրների ներքին պահանջարկը բավարարելու համար։

ԵՐԵՎԱՆ, 4 հունվարի – Sputnik. Հայաստանի էկոնոմիկայի նախարար Վահան Քերոբյանը խորհուրդ է տալիս արտադրողներին, ներմուծողներին և այլ բիզնեսմեններին ներդրում կատարել թռչնամսի արտադրության մեջ։

«Ուղիղ մեկ տարի հետո Հայաստան ներմուծվող թռչնամսի մաքսատուրքը կտրուկ կաճի և կդառնա 80%, որը Հայաստանում թռչնամսի արտադրությունը կդարձնի շատ գրավիչ։ Դա լավ շանս է, որպեսզի այսօրվա արտադրողները, ներմուծողները և ցանկացած այլ բիզնեսմեն ներդնի այս ոլորտի մեջ այսօր, որպեսզի ուղիղ մեկ տարի հետո կարողանա ամբողջ ծավալով արտադրել», - գրել է նա։

Նրա խոսքով՝ տարեկան Հայաստանում արտադրվում է մոտ 15 հազար տոննա թռչնամիս, ներմուծվում է մոտ 44 հազար տոննա: Միայն դեֆիցիտը լրացնելու համար պետք է մոտ 120 մլն եվրո ներդնել թռչնաֆաբրիկաներում և համապատասխան շահույթ ստանալու հնարավորություն։

Ըստ նախարարի` կարելի է և ավելի շատ ներդնել ԵԱՏՄ երկրների ներքին պահանջարկը բավարարելու և արտահանումը թիրախավորելու համար։

Իր գրառման մեկնաբանություններում հնչած հարցին, թե ինչն է խանգարում նույնը անել նաև անասնաբուծության ոլորտում, նախարարը պատասխանել է․ «Տեղական հարկերը։ Դրանցով զբաղվում ենք»։

Վահան Քերոբյանը էկոնոմիկայի նախարար է նշանակվել 2020-ի նոյեմբերին։

Ըստ թեմայի

2021թ.–ին Հայաստանը ստիպված կլինի ապահովել Արցախի հացի ու էլեկտրաէներգիայի պահանջարկը
Հարկեր, տուրքեր, վճարումներ. ինչպիսին կլինի 2021–ը հարուստ և աղքատ հայաստանցիների համար
«Գարնանը Հայաստանը հացի խնդիր կունենա, սոված վիճակ կլինի»․ Հրանտ Բագրատյան
թեգերը:
Եվրասիական տնտեսական միություն (ԵԱՏՄ), թռչնամիս, Վահան Քերոբյան, Հայաստան

Գլխավոր թեմաներ