17:10 20 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Հայաստան
Ստանալ կարճ հղումը
74310

Արմեն Աբազյանի և Ալի Նագիևի հանդիպումից հետո սկսեցին լուրեր շրջանառվել, որ հանդիպման ժամանակ որոշում է կայացվել Արարատի մարզի Տիգրանաշեն համայնքը հանձնել Ադրբեջանին։

ԵՐԵՎԱՆ, 9 հունվարի - Sputnik. Լուրերը, թե հայկական կողմը պատրաստվում է հնգօրյա ժամկետում Ադրբեջանին հանձնել Արարատի մարզի Տիգրանաշեն գյուղը, չեն համապատասխանում իրականությանը։ Sputnik Արմենիայի հետ զրույցում այս մասին վստահեցրեց ՀՀ տարածքային կառավարման և ենթակառուցվածքների նախարարի մամուլի քարտուղար Արմինե Մուրադյանը։

Նշենք, որ ՀՀ ազգային անվտանգության ծառայության տնօրեն Արմեն Աբազյանի և Ադրբեջանի անվտանգության պետական ծառայության տնօրեն Ալի Նագիևի հանդիպումից հետո տելեգրամյան ալիքներում սկսեցին լուրեր շրջանառվել, որ հանդիպման ժամանակ որոշում է կայացվել Տիգրանաշենը հանձնել Ադրբեջանին։

«Տիգրանաշենի առնչությամբ շրջանառվող լուրերը չեն համապատասխանում իրականությանը»,–ասաց Մուրադյանը։

Տիգրանաշենը (Քյարքի) Արարատի մարզի Պարույր Սևակ խոշորացված համայնքի կազմում է։ Ի դեպ, Տիգրանաշենի միջով անցնում է Հայաստանի հյուսիսը հարավին կապող հիմնական մայրուղին։

Պարույր Սևակ համայնքի ղեկավար Էդուարդ Ստեփանյանը Sputnik Արմենիայի հետ զրույցում հայտնեց, որ առողջական խնդիրներ ունի և հարցերին պատասխանել չի կարող։

Հիշեցնենք` օրեր առաջ կրկին լուրեր էին պտտվում, որ Տիգրանաշենը հանձնելու են Ադրբեջանին։

Ադրբեջանին հանձնած ՀՀ տարածքների հարցով դատարան ենք դիմելու. Արծվիկ Մինասյան

Հունվարի 4-ին Արարատի մարզպետ Ռազմիկ Թևոնյանը հերքել էր դրանք` ասելով, որ Արարատի մարզի սահմանները հսկվում են Հայաստանի զինված ուժերի կողմից և որևէ համայնք թշնամու վերահսկողության տակ չի անցնելու՝ ո՛չ հիմա, ո՛չ էլ երբևէ։

Ըստ թեմայի

Ինչպե՞ս լուծել Շուռնուխի և Որոտանի խնդիրը. Մարուքյանն առաջարկ ունի
Ի՞նչ է կատարվում վիճելի տարածքում. Սյունիքի մարզպետը հորդորում է որևէ սադրանքի չտրվել
«Ռուսը պետք է ապացուցի՝ մե՞րն է, թե՞ իրենցը». Սյունիքի մարզպետը` Շուռնուխի տների մասին
Սյունիքի Որոտան ու Շուռնուխ գյուղերում կարող են ցավոտ իրավիճակներ առաջանալ. Փաշինյան
թեգերը:
Տիգրանաշեն, Ադրբեջան, Արարատի մարզ

Գլխավոր թեմաներ