17:28 17 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Հայաստան
Ստանալ կարճ հղումը
100 0 0

Վիկտոր Մնացականյանը նվագախմբի ղեկավարից դեռ 2020 թվականի ամռանն էր առաջարկ ստացել, սակայն ձևակերպումը հետաձգվել էր։

ԵՐԵՎԱՆ, 14 հունվարի – Sputnik. Երևանի Կենտրոն վարչական շրջանի նախկին ղեկավարը Վիկտոր Մնացականյանը նշանակվել է Հայաստանի ֆիլհարմոնիկ նվագախմբի և Արամ Խաչատրյան համերգասրահի տնօրեն։

Sputnik Արմենիայի հետ զրույցում նա ասել է, որ դեռ ամռանն է ստացել առաջարկը Հայաստանի ազգային ֆիլհարմոնիկ նվագախմբի գեղարվեստական ղեկավար, գլխավոր դիրիժոր, մաեստրո Էդուարդ Թոփչյանից, սակայն հաշվի առնելով երկրում տիրող համաճարակաբանական իրավիճակն ու պատերազմը, պաշտոնական ձևակերպումը հետաձգվել էր։

2019 թվականի հոկտեմբերի 19-ին Մնացականյանը Facebook-ում գրառում էր արել ու հայտարարել թաղապետի պաշտոնից հրաժարվելու մասին։ Նա նշել էր, որ իր որոշումը քաղաքական ենթատեքստ չունի, այլ պայմանավորված է քաղաքին ու երկրին ավելի շատ օգուտ տալու ցանկությամբ։ Միաժամանակ Մնացականյանը վստահեցրել էր, որ ոչ մի դեպքում չի խզելու կապերը գործընկերների թիմի հետ։  

Վիկտոր Մնացականյանը խոստացավ աշխատանք գտնել գործազուրկ մատուցողների համար

Ավելի ուշ մամուլում գրում էին, որ նրա հրաժարականը կարող է կապված լինել ՀՀ 3–րդ նախագահ Սերժ Սարգսյանի փեսա ու Մնացականյանի կնքահայր Միքայել Մինասյանի քաղաքական հայտարարությունների հետ։ Երևանի փոխքաղաքապետ Հայկ Սարգսյանը, մեկնաբանելով այդ լուրերը, լրագրողներին ասել էր, որ Միքայել Մինասյանի հայտարարությունները ոչ մի կապ չունեն Երևանի քաղաքապետարանի հետ, այդ պատճառով նա չի ցանկանում մեկնաբանել այդ արտահայտությունները։ Մնացականյանն ասել էր, որ Միքայել Մինասյանի սանիկ լինելը չի նշանակում «նրա խարանը կրել»։

Ըստ թեմայի

Արաբկիրի նախկին թաղապետը արժեքներից ցածր գներով հողեր է օտարել. հարուցվել է քրգործ
Արաբկիրի նախկին թաղապետը հետախուզվում է զբոսայգու մի մասը վաճառելու համար
Աջափնյակի թաղապետը դիմում է գրել Մարությանին. նա խնդրում է չքաղաքականացնել
թեգերը:
Ֆիլհարմոնիկ նվագախումբ, պաշտոն, թաղապետ, Երևան, Վիկտոր Մնացականյան

Գլխավոր թեմաներ