05:14 26 փետրվարի 2021
Ուղիղ եթեր
  • USD526.97
  • GBP746.93
  • EUR643.96
  • RUB7.16
Հայաստան
Ստանալ կարճ հղումը
9610

Ներկայացված ընկերություններից յուրաքանչյուրը մեծ ներդրումներ ներգրավելու և շուկաներ նվաճելու հնարավորություն ունի' Հայաստանում և արտերկրում։

ԵՐԵՎԱՆ, 19 հունվարի – Sputnik. ՀՀ բարձր տեխնոլոգիական արդյունաբերության նախարարության, Հայկական բարեգործական ընդհանուր միության (AGBU) և Դրեյփերի համալսարանի համագործակցության արդյունքում ստեղծված «Հայկական վիրտուալ կամուրջ» ծրագրի շրջանակում 2020 թ.–ին հաղթել են հայկական 15 ընկերություններ։ Տեղեկությունը հայտնում է գերատեսչության ղեկավար Հակոբ Արշակյանը։

Նախարարը Facebook–ի իր էջում հրապարակել է հաղթող ընկերությունների անվանումները` Expper Technologies, Embry Tech, CoinStats, RetentionForce, Hub Tech, URAAA, payva, GeBe Cert, Easydmarc, eSwap, 3dzook, Earlyone, Chessify, ForgeFiction, Lucky Carrot։

«Ներկայացված ընկերություններից յուրաքանչյուրը մեծ ներդրումներ ներգրավելու և շուկաներ նվաճելու հնարավորություն ունի Հայաստանում և արտերկրում»,– գրել է նա։

Հունվարի 28-ին ընկերությունները հնարավորություն կունենան իրենց ծրագրերը ներկայացնելու միջազգային ձեռներեցներին, գործընկերներին ու ներդրողներին:

Արշակյանի խոսքով` բարձր տեխնոլոգիական զարգացումը Հայաստանի տնտեսական զարգացման, ինչպես նաև կառավարության հիմնական առաջնահերթություններից է։

«Շուտով նախարարությունը կհայտարարի ձեռներեցության նոր դրամաշնորհային ծրագրերի, վերապատրաստման և զարգացման նոր հնարավորությունների մասին»,– ավելացրել է նա։

«Հայկական վիրտուալ կամուրջ» ծրագրի նպատակն է Հայաստանը կապել միջազգային տեխնոլոգիական կենտրոնների հետ` օգտագործելով հայկական գիտական մտքի ուժը՝ հենվելով Սփյուռքի հնարավորությունների ու ներուժի վրա:

Ըստ թեմայի

Խնդրում եմ ձեզ շարունակել աշխատել նույն նվիրումով և ջանասիրությամբ․ Թորոսյանի հրաժեշտը
Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը
Նոր դատավորներ` հին բարքեր. Հովհաննիսյանը հայտնեց` ինչ է թաքցնում իշխանության նոր նախագիծը
թեգերը:
Հակոբ Արշակյան, Հայաստան

Գլխավոր թեմաներ