04:40 26 փետրվարի 2021
Ուղիղ եթեր
  • USD526.97
  • GBP746.93
  • EUR643.96
  • RUB7.16
Հայաստան
Ստանալ կարճ հղումը
55 0 0

ԱԺ–ն հաստատել է օրենքի նոր նախագիծը, ըստ որի` հակակոռուպցիոն և վերաքննիչ հակակոռուպցիոն դատարաններ կստեղծվեն։

ԵՐԵՎԱՆ, 19 հունվարի – Sputnik. ՀՀ արդարադատության նախարար Ռուստամ Բադասյանը վստահեցնում է, որ առաջիկայում քրեական գործերի քննության արագությունը կմեծանա, կբարձրանա կոռուպցիոն գործերով մասնագիտացված քննության արդյունավետությունը։ Բադասյանը նման գրառում է արել ֆեյսբուքյան էջում` անդրադառնալով Ազգային ժողովի կողմից առաջին ընթերցմամբ ընդունված նախագծին։

«Հակակոռուպցիոն և վերաքննիչ հակակոռուպցիոն դատարաններ ստեղծելու մասին օրենսդրական փաթեթն այսօր առաջին ընթերցմամբ ընդունվեց Ազգային ժողովի կողմից։ Մասնագիտացված հակակոռուպցիոն դատարանը կունենա առնվազն 25 դատավոր, որից 20-ը կքննեն կոռուպցիոն հանցագործությունների վերաբերյալ գործերը, իսկ 5-ը՝ նաև «Ապօրինի ծագում ունեցող գույքի բռնագանձման մասին» օրենքի հիման վրա գույքի բռնագանձման հայցերով հարուցված քաղաքացիական գործերը»,–գրել է նախարարը։ 

Վերաքննիչ հակակոռուպցիոն դատարանը կունենա առնվազն տասը դատավոր։ Բադասյանը հայտնում է, որ այս թվերը վերջնական չեն։ Նրա խոսքով` նշանակվող բոլոր դատավորներն անցնելու են բարեվարքության ստուգում կամ, ինչպես հանրության մեջ ընդունված է ասել, վեթինգ։

Նոր կարգավիճակում հայտնվող դատավորների անաչառությունը կասկածի տակ չպետք է դրվի. Փաշինյան

Հիշեցնենք, որ կառավարությունն ընդունել էր ««ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին» սահմանադրական օրենքն ու հարակից օրենքների փաթեթը։ Դրա համաձայն` ստեղծվելու է մինչդատական վարույթների (կալանք, խուզարկություն) նկատմամբ դատական վերահսկողություն իրականացնող մասնագիտացված դատավորների ինստիտուտ, և կոռուպցիոն հանցագործությունների քննություն իրականացնող դատավորների մասնագիտացում պետք է կատարվի։

Ըստ թեմայի

Հակակոռուպցիոն դատարաններ ստեղծելու առումով պարզապես անիմաստ փողեր են ծախսվում. Կոստանյան
Կոռուպցիոն գործերով մասնագիտացված քննություն կլինի. Բադասյանը` 2 նոր դատարանների մասին
«Այբ» կրթական հիմնադրամը դատարան է դիմել
թեգերը:
ԱԺ, Հայաստան, Դատավոր, Դատարան, Ռուստամ Բադասյան

Գլխավոր թեմաներ