ԵՐԵՎԱՆ, 20 հունվարի - Sputnik. ՀՀ վարչապետ Նիկոլ Փաշինյանի հրամանով Նարինե Խաչատուրյանը (Թուխիկյան) ազատվել է ԿԳՄՍ փոխնախարարի պաշտոնից: Տեղեկությունը հրապարակված է կառավարության կայքէջում։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝
Նարինե Խաչատուրյանին ազատել կրթության, գիտության, մշակույթի և սպորտի նախարարի տեղակալի պաշտոնից»,–ասված է վարչապետի հրամանագրում:
Նշենք, որ 2018թ. դեկտեմբերի 9-ին Նարինե Խաչատուրյանը (Թուխիկյան) ԱԺ պատգամավոր էր ընտրվել «Իմ քայլը» կուսակցությունների դաշինքի համապետական ընտրական ցուցակով, իսկ 2019–ի մայիսի 31–ին վայր էր դրել մանդատը:
2019 թվականի հունիսի 11–ին Խաչատուրյան-Թուխիկյանը նշանակվել էր կրթության, գիտության, մշակույթի և սպորտի նախարարի տեղակալ։
Հիշեցնենք, որ երեկ ցուցահադեսի ժամանակ քաղաքացին մոտեցել էր փոխնախարարին և ամոթանք տվել «դավաճանների իշխանության ներկայացուցիչ լինելու համար»:
