16:58 26 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Հայաստան
Ստանալ կարճ հղումը
132 0 0

Գյուղացիները ՄԻՊ–ին տեղեկացրել են, որ արդեն արձանագրվել է դեպք, երբ 34 ձիեր անցել են ադրբեջանական տարածքներ, կենդանիներն այլևս չեն վերադարձվել հայերին:

ԵՐԵՎԱՆ, 26 հունվարի - Sputnik. Հայաստանի մարդու իրավունքների պաշտպան Արման Թաթոյանը Facebook-ում հրապարակել է Գեղարքունիքի մարզ կատարած իր այցի արդյունքները։ Թաթոյանի հետ զրույցում արդեն սահմանամերձ դարձած գյուղերի բնակիչները մտահոգություններ են հայտնել, որ կարևոր նշանակություն ունեցող արոտավայրերի, խոտհարքների ու ջրային պաշարների օգտագործումն իրենց համար անհնարին է դարձել:

«Ըստ գյուղացիների՝ դժվարություններ են առաջ գալու հատկապես գարնանից սկսած: Վտանգները նրանում են, որ տարիների սովորության պատճառով մեծ է հնարավորությունը, որ եղջերավոր կենդանիները կանցնեն Ադրբեջանի վերահսկողության տակ գտնվող կողմ ու վերադարձնելու հնարավորություն չեն ունենա: Գյուղացիները տեղեկացրել են, որ արդեն իսկ արձանագրվել է դեպք, երբ 34 ձի անցել է ադրբեջանական տարածքներ, որոնք այլևս իրենց չեն վերադարձվել», – գրել է ՄԻՊ–ը։

Թաթոյանը նաև արխիվային փաստաթղթեր է հրապարակել արոտավայրերի և լճերի` ՀՍԽՀ մաս կազմելու մասին։

«Այս տարածքների օգտագործման հարցերը մշտապես կապված են եղել Խորհրդային Հայաստանի այդ տարածաշրջանների բնակիչների իրավունքների ու առաջին հերթին տնտեսական, սեփականության, ընտանիքի ապրուստը հոգալու, ֆիզիկական անվտանգության ու կենսական կարևորության այլ իրավունքների հետ», – գրել է նա։

ՄԻՊ–ն ամփոփել է, որ Հայաստանի պետական սահմանների որոշման գործընթացն ուղղակիորեն կապված է բնակիչների իրավունքների հետ, ու լուծումները պետք է հիմնված լինեն մասնագիտական մոտեցումների, տեղում ուսումնասիրությունների, հանձնաժողովային աշխատանքների վրա:

Թաթոյանը գերիների անհապաղ վերադարձի հարցը քննարկել է Հայաստանում Ֆրանսիայի դեսպանի հետ

Նշենք, որ նոյեմբերի 10-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Վայոց Ձորում, Սյունիքում։ ՀՀ պաշտպանության նախարարությունը դեկտեմբերի 20–ին տեղեկացրել է, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Ադրբեջանցիները հպարտանում են իրենց վայրագություններով. Թաթոյանը՝ Ալիևի սպառնալիքների մասին

Ըստ թեմայի

Կարմիր Քուրդիստանն ու հարձակումները Սյունիքի վրա. ՄԻՊ–ը հիշեցնում է պատմության սխալները
ՀՀ պետական սահմանը չի կարող որոշվել վարչատարածքային բաժանման մասին օրենքով. Արման Թաթոյան
Գորիսից Որոտան, Շուռնուխ և Կապան տանող 21 կմ-ն Ադրբեջանի վերահսկողության տակ է. Թաթոյան
թեգերը:
կենդանի, Գեղարքունիքի մարզ, Արման Թաթոյան, Հայաստան

Գլխավոր թեմաներ