16:56 26 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Հայաստան
Ստանալ կարճ հղումը
37910

Sputnik Արմենիայի թղթակիցները դեպքի վայր են այցելել, զրուցել տղամարդու մոր ու ականատեսների հետ։

ԵՐԵՎԱՆ, 27 հունվարի – Sputnik. Երևանում իր 3 տարեկան որդուն պատանդ վերցրած 40-ամյա տղամարդն այդ քայլին է դիմել, որպեսզի ոստիկանությունը բերման չենթարկի նրան ու տունը չխուզարկի. նրան կասկածում են զենքի ու թմրանյութերի ապօրինի շրջանառության մեջ, տնից էլ երկու զենք է առգրավվել։ Այս ամենը Sputnik Արմենիային պատմեցին ականատեսները, որոնք չցանկացան հրապարակել իրենց անունները։

«Ոստիկաններն առավոտ շուտ էին եկել նրան ձերբակալելու, բայց նա դիմադրում էր։ Սպառնում էր կրակել էրեխու վրա։ Մի քանի անգամ օդ կրակեց, հետքերը մնացել են տանը։ Կինն ու երեխան վախեցած էին», - ասաց մեր զրուցակիցը։

Նրա խոսքով` տղամարդու եղբայրն էլ է մեղադրվում զենքի ապօրինի շրջանառության մեջ, բայց փախել է դատարանի շենքից։ Աշնանը տանը խուզարկություն անցկացվել, մի քանի միավոր զենք են հայտնաբերել։

Ձերբակալվածի մայրը՝ Նվարդն էլ ասաց, որ այսօր՝ հունվարի 27-ի առավոտյան, իրավապահ մարմինների աշխատակիցները տուն են ներխուժել ու փորձել են ձերբակալել որդուն։ Նրա խոսքով՝ իր տղան ոչ մի վատ բան չի արել և խոշոր պաշտոնյայի զոհ է դարձել։ Մոր խոսքով` այդ պաշտոնյան, որի անունը նա հրաժարվեց ասել, վրեժ է լուծում իր որդիներից։

Мать мужчины, взявшего в заложники 3-летнего сына, Нвард, вместе с сотрудниками следственного отдела у ворот дома (27 января 2021). Еревaн
© Sputnik / Asatur Yesayants
Որդուն պատանդ վերցրած տղամարդու մայրը

Նվարդը վստահեցրեց, որ որդին քանդակագործ է ու ապօրինի ոչնչով չի զբաղվում։ Կինը պնդեց, որ նա չի սպառնացել իր 3 տարեկան որդուն, ինքն էլ կրակոցի ձայն չի լսել, թեև տանն է եղել։ Միաժամանակ տիկին Նվարդը հրաժարվեց ներս թողնել լուսանկարիչներին, այլ հարցերի էլ չպատասխանեց։

  • Որդուն պատանդ վերցրած տղամարդու տան բակը
    Որդուն պատանդ վերցրած տղամարդու տան բակը
    © Sputnik / Asatur Yesayants
  • Ոստիկանապետ Վահե Ղազարյանը
    Ոստիկանապետ Վահե Ղազարյանը
    © Sputnik / Asatur Yesayants
  • Որդուն պատանդ վերցրած տղամարդու տան բակը
    Որդուն պատանդ վերցրած տղամարդու տան բակը
    © Sputnik / Asatur Yesayants
  • Կրակոցի հետքեր
    Կրակոցի հետքեր
    © Sputnik / Asatur Yesayants
  • Քննչական մարմնի աշխատակիցներ
    Քննչական մարմնի աշխատակիցներ
    © Sputnik / Asatur Yesayants
1 / 5
© Sputnik / Asatur Yesayants
Որդուն պատանդ վերցրած տղամարդու տան բակը

Հիշեցնենք, որ այսօր արտակարգ դեպք է տեղի ունեցել Երևանում։ Ոստիկանության օպերատիվ խմբերն առավոտյան այցելել են Երևանի Ղափանցյան փողոցի առանձնատներից մեկը՝ հետախուզվող տղամարդուն հայտնաբերելու նպատակով: Նա, տեսնելով ոստիկաններին, ատրճանակից կրակոցներ է արձակել, ինչից հետո իր 3-տարեկան որդուն պահել է մոտն ու սպառնացել, որ բերման ենթարկվելու դեպքում կվնասի։

Ոստիկանապետ Վահե Ղազարյանը մոտ երկու ժամ բանակցել է զինված տղամարդու հետ, ինչի արդյունքում նա վայր է դրել զենքն ու բաց  թողել երեխային։ ՀՀ քրեական օրենսգրքի երեք հոդվածի հատկանիշներով նախատեսված հանցանքներ կատարելու մեղադրանքով հետախուզվողը բերման է ենթարկվել ոստիկանություն։ Տուժածներ չկան։ 

 

Ըստ թեմայի

Տարեմուտին գողացել են Երևանի դպրոցներից մեկի ջեռուցման մարտկոցները. ովքե՞ր են «քաջերը»
Ողբերգական ավտովթար Կոտայքում. 46-ամյա վարորդը տեղում մահացել է
Ոստիկանությունն ապօրինի խաղատուն է բացահայտել Երևանում. տեսանյութ
թեգերը:
պատանդ, երեխա, Երևան, Հայաստան

Գլխավոր թեմաներ