09:57 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հայաստան
Ստանալ կարճ հղումը
82 0 0

Էդմոն Մարուքյանի խոսքով`բազմաթիվ քաղաքացիներից ստանում են տեղեկություններ և դժգոհություններ այն մասին, որ դեպի ռուսական տարբեր քաղաքներ ավիատոմսերի գները բազմապատիկ աճել են։

ԵՐԵՎԱՆ, 1 փետրվարի — Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը դեպի ՌԴ ավիատոմսերի թանկացման խնդրով այսօր դիմել է Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանին։ Մարուքյանը Facebook–ի իր էջում գրել է, որ բազմաթիվ քաղաքացիներից են տեղեկություններ ու դժգոհություններ ստանում, որ դեպի ռուսական տարբեր քաղաքներ ավիատոմսերի գները բազմապատիկ աճել են։

Դա վերաբերում է ոչ միայն ռուսական, այլ նաև հայկական ավիափոխադրողներին։ Ընդ որում` խոսքը դեռ միայն միակողմանի տոմսերի գների մասին է։

«Ըստ այդմ՝ ՏՄՊՊՀ նախագահին խնդրել եմ ուսումնասիրել, թե ավիատոմսերի շուկայում դեպի Ռուսաստան տոմսերի գների թանկացումներն ինչով են պայմանավորված, ինչպես նաև կիրառել օրենքով հանձնաժողովին վերապահված գործիքները՝ չհիմնավորված թանկացած տոմսերի գներն իջեցնելու և իրավախախտ սուբյեկտների նկատմամբ համապատասխան սանկցիաներ կիրառելու համար»,–գրել է Մարուքյանը։

Նա հավելել է, որ պատասխանը ստանալուն պես այն կհրապարակի իր պաշտոնական էջում։

Հիշեցնենք` այսօր «Արմենիա» ավիաընկերության փոխտնօրեն Գևորգ խաչատրյանը, Sputnik Արմենիայի հետ զրույցում անդրադառնալով տոմսերի գներին և այն շահարկումներին, որ դրանք թանկացել են, շեշտեց, որ չեն թանկացել, պարզապես պահանջարկը մեծ է, իսկ ավելի էժան տոմսերը վաղուց սպառվել են:

Նշենք, որ փետրվարի 1-ից մեկ ամսով բացվել է ՀՀ քաղաքացիների մուտքը դեպի ՌԴ։

Փետրվարի 1-ին Հայաստանից դեպի Մոսկվա 4 չվերթ կիրականացվի: «Զվարթնոց» օդանավակայանի պաշտոնական կայքից տեղեկանում ենք, որ փետրվարի 1-ին դեպի Մոսկվա չվերթեր են իրականացնելու «Armenia», «Aeroflot» և «Red Wings» ավիաընկերությունները:

Ըստ թեմայի

«Աերոֆլոտը» մեկ ամսով չեղարկել է Մոսկվա–Երևան չվերթերը
Ով և ինչպես կարող է մուտք գործել Վրաստան․ երկիրն իր պայմաններն է դրել
Հայտնի է` փետրվարի և մարտի որ օրերին Գյումրի–Մոսկվա և Մոսկվա–Գյումրի թռիչքներ կլինեն
թեգերը:
Տնտեսական մրցակցության պաշտպանության պետական հանձնաժողով (ՏՄՊՊՀ), Էդմոն Մարուքյան, տոմս, ինքնաթիռ, Ռուսաստան

Գլխավոր թեմաներ