ԵՐԵՎԱՆ, 22 փետրվարի - Sputnik. Արցախի Հանրապետության մարդու իրավունքների նախկին պաշտպան Ռուբեն Մելիքյանը Երևանի ընդհանուր իրավասության դատարանի բակում սպասելով ՀՀԿ-ական նախկին պատգամավոր Կարեն Բեքարյանի խափանման միջոցի մասին որոշմանը, լրագրողների հետ զրույցում ասաց, որ հույս ունի, որ այսօր կհաղթի իրավունքը, ոչ թե խայտառակությունը։
«Մի փոխաբերությամբ բացատրեմ՝ ինչ է կատարվում։ Տարբեր փողոցներում մարդիկ աղբ են թափում: Տհաճ երևույթ է, բայց կա։ Մի օր պետությունը որոշում է արգելել աղբ թափելը, բայց միայն մի փողոցում, ասենք՝ Դեմիրճյանի վրա, արհամարհելով մյուս փողոցների թափած աղբերը։ Չի կարողանում հասկանալ՝ ով է կոնկրետ Դեմիրճյանի այդ աղբը թափել, նայում է՝ ովքեր են անցնում այդ կողմերով, ցուցակից ճանաչում է մարդկանց, որ իրենց քննադատում են, ասում է՝ ըհը, իրանք են։ Սա խայտառակություն է»,-ասաց Մելիքյանը։
Իրավաբանի խոսքով՝ Գագիկ Սողոմոնյան ֆեյքի գործի քննիչները իրավունք չունեն ասելու, որ իրենք իրավաբան են։
«Ֆեյքը մեղադրվում է պատերազմի ժամանակ այլընտրանքային ինֆորմացիա տալու համար։ Ուրեմն Արծրունը, որ խաբում էր բոլորիս, դա հանցագորություն չէր, իսկ ֆեյքը, որի հրապարակումներից մի մասը ճիշտ է դուրս եկել, վտանգավո՞ր է», - ասաց Մելիքյանը։
«Գլխի դատարկ տեղը դուխով գրածներ». Գագիկ Սողոմոնյան ֆեյքի գործով ԱԱԾ-ն 4 մարդ է ձերբակալել
Հիշեցնենք՝ Գագիկ Սողոմոնյան ֆեյսբուքյան կեղծ էջով պատերազմի ժամանակ իշխանություններին մեղադրելու կասկածով ձերբակալվել են Ազգային ժողովի աշխատակազմի նախկին ղեկավար-գլխավոր քարտուղար Արա Սաղաթելյանը,ՀՀԿ-ական նախկին պատգամավոր Կարեն Բեքարյանը, նրանց ընկերներ Արամ Սարգսյանը և Մհեր Ավագյանը։
«Ֆեյքերի ֆաբրիկաների» գործունեությունը կքրեականացվի. Ալեն Սիմոնյան
