19:13 04 մարտի 2021
Ուղիղ եթեր
  • USD524.98
  • GBP731.19
  • EUR631.71
  • RUB7.11
Հայաստան
Ստանալ կարճ հղումը
60 0 0

ՀՅԴ ԳՄ ներկայացուցիչը նշեց, որ ՀՀ գործող իշխանությունից ամեն ինչ սպասում է, իսկ կրակելու մասին հայտարարությունը դիտարկում է ոչ միայն իբրև սպառնալիք, այլև միանգամայն հավանական գործողություն:

ԵՐԵՎԱՆ, 22 փետրվարի - Sputnik. Մենք սադրանքների չենք գնալու: Այսօր ՀՀ վարչապետ Փաշինյանի հրաժարականի պահանջով ընդդիմության երթից առաջ լրագրողների հետ զրույցում շեշտեց ՀՅԴ ԳՄ ներկայացուցիչ Իշխան Սաղաթելյանը:

«Սադրանքների չենք գնալու, բայց երբեք էլ թույլ չենք տալու որևէ մեկը նման սպառնալիքներով ահաբեկի մեր ժողովրդին: Մենք կազմակերպված ձևով քշելու ենք այս իշխանությանը: էդ ծերունի ավազակը և մյուսները թող մտածեն (տարբեր դեսպանատների հետ բանակցություններ վարելով) իրենց քաղաքական ապաստանի մասին, որովհետև իրենք լավ գիտեն` պետք է կրակեն ժողովրդի վրա, որ պահեն իրենց իշխանությունը: Հակառակ դեպքում՝ պատասխան են տալու ամեն ինչի համար»,- ասաց Սաղաթելյանը:

Ընդդիմությունը վերադառնում է փողոցային պայքարին. Ազատության հրապարակում հանրահավաք սկսվեց

ՀՅԴ ԳՄ ներկայացուցիչը նշեց, որ ՀՀ գործող իշխանություններից ամեն ինչ սպասում է, իսկ կրակելու մասին հայտարարությունը դիտարկում է ոչ միայն իբրև սպառնալիք, այլև միանգամայն հավանական գործողություն:

«Չի կարող հայ ժողովրդին ղեկավարել իր սեփական ժողովրդին կոտորած իշխանությունը»,- ասաց նա:

Հիշեցնենք՝ «Հայրենիքի փրկության շարժման առաջնորդ Վազգեն Մանուկյանը հայտարարել էր կայծակնային արագությամբ ռազմավարական նշանակության շենքեր գրավելու մասին:

Ի պատասխան ԱԺ «Իմ քայլը» խմբակցության պատգամավոր Անդրանիկ Քոչարյանը «Ազատություն» ռադիոկայանին տված հարցազրույցում նշել էր, որ բոլորը պետք է գիտակցեն` անվտանգության համակարգի հետ կատակներ չեն անում, և, եթե մտածում են շենքեր գրավելու մասին, թող մտածեն նաև, որ դրանք գտնվում են պետական պահպանության տակ, ինչը նշանակում է, որ պետությունը մոնոպոլ իրավունք ունի կրակելու։

Նշենք, որ ընդդիմության բողոքի երթը քիչ առաջ մեկնարկեց Արաբկիր վարչական շրջանի Վահագն Դավթյան այգուց (Պրահայի այգի, Արաբկիրի թաղապետարանի դիմաց), ապա կշարունակվի Հրաչյա Քոչար փողոցով, Բաղրամյան պողոտայով և կհասնի Ֆրանսիայի հրապարակ, որտեղ նախանշված է իրականացնել անհնազանդության ակցիա:

Սրանք մտածում են՝ գնան, քծնեն Պուտինին, տակից իրենց ուզածն անեն. Վազգեն Մանուկյան

Ըստ թեմայի

«Այսօրվանից սկսում ենք նոն–ստոպ բողոքի ակցիաներ». Սաղաթելյանը նշեց ուղղությունները
Իշխան Սաղաթելյանը նշել է արտահերթ ընտրություններից «Իմ քայլի» հրաժարվելու պատճառները
«Մենք Ռոբերտ Քոչարյանին սատարելու որևէ հարց չենք քննարկել». Սաղաթելյան
թեգերը:
ընդդիմություն, Իշխանություն, Հայ Յեղափոխական Դաշնակցություն (ՀՅԴ), Իշխան Սաղաթելյան

Գլխավոր թեմաներ