08:56 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հայաստան
Ստանալ կարճ հղումը
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)
27901

Յուրի Խաչատուրովը երդվեց հոր գերեզմանով, որ երբեք թուրքերի առջև ու թուրքերից ոչինչ չի խնդրել։

ԵՐԵՎԱՆ, 25 փետրվարի - Sputnik. ՀԱՊԿ նախկին գլխավոր քարտուղար Յուրի Խաչատուրովը ևս միացել է Ազատության հրապարակում ընթացող Հայրենիքի փրկության շարժման հանրահավաքին։ Նրա խոսքով՝ ինքն առաջին օրերին չէր մասնակցում Հայրենիքի փրկության շարժման նախաձեռնած հանրահավաքներին, որովհետև իրեն անհարմար էր զգում բանակի պասիվ դիրքորոշման պատճառով։ Բայց այսօր շատ ուրախ է, որ վերջապես մեր բանակն արթանացավ ու որոշում ընդունեց։

Նա անդրադարձավ նաև այն տեղեկություններին, թե հատուկ զինված խմբերը ցանկանում են մտնել ՀՀ ԶՈւ Գլխավոր շտաբի ու ձերբակալել բարձրաստիճան զինվորականների։

«Չեմ հասկանում, թե ինչ հիմարներ պետք է լինեն, որ որոշեն զինվորականների ձերբակալեն։ Նրանց ուղղակի կապկպած կբերեն այստեղ՝ հրապարակ, ուրիշ ոչինչ չի լինի»,–ասաց Խաչատուրովը։

Խաչատուրովն անդրադարձավ նաև Անդրանիկ Քոչարյանի այն հայտարարությանը, թե պետությունը կրակելու իրավունք ունի։ Նա ընդգծեց, որ նրան վաղուց է ճանաչում, և Քոչարյանը այդպես էլ չի կողմնորոշվում, թե ինքը որ դաշտում է։

«Նա դժբախտ մարդ է և վախկոտներից վախկոտը»,- այսպես բնորոշեց Խաչատուրովը Անդրանիկ Քոչարյանին։

Խաչատուրովը չմոռացավ նաև հիշել, որ 1992 թվականին Անդրանիկ Քոչարյանը որոշակի «օգուտ բերում էր բանակին», բայց և ընդգծեց՝ դա վաղուց էր։

Յուրի Խաչատուրովն անդրադարձավ նաև այն քննարկումներին, թե 2016 թվականի Ապրիլյան պատերազմի օրերին հայկական կողմը խնդրել է դադարեցնել պատերազմը։ Նա երդվեց՝ նման բան չի եղել։

«Երդվում եմ հորս գերեզմանով, որ երբեք ու ոչինչ չեմ խնդրել թուրքերի առջև ու թուրքերից։ Նրանք են մեզ միշտ խնդրել, նրանք միշտ մեզնից ներքև եղել և նայել, թե մենք ինչ կասենք»,- ասաց Խաչատուրովը։

Շեշտեց՝ բանակը վերականգնելը հեշտ չի լինելու, դժվար է լինելու նաև այնպես անել, որ երկրում համերաշխությունը վերականգնվի, մարդիկ նորից սկսեն ժպտալ։ ՀՀ ԶՈւ Գլխավոր շտաբի նախկին պետը վստահ է, որ Վազգեն Մանուկյանը խելացի մարդ է և կկարողանա իրականացնել այդ պատասխանատու գործը։

Հիշեցնենք, որ Ազատության հրապարակում ընթացող Հայրենիքի փրկության շարժման հանրահավաքին ՀՅԴ ԳՄ ներկայացուցիչ, Հայրենիքի փրկության շարժման համակարգող Իշխան Սաղաթելյանը հայտարարեց, որ տեղեկություններ կան այն մասին, թե վարչապետի նոր հրամանով բարձրաստիճան զինվորականներ են ձերբակալվելու։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)

Ըստ թեմայի

ՍՈւ-30 ինքնաթիռները պտտվեցին երևանյան երկնքում
Բանակը մատնանշել է երկրի անվտանգությանը սպառնացող թշնամուն․ Վազգեն Մանուկյան
ՌԴ–ն ակնկալում է Հայաստանում իրավիճակի խաղաղ կարգավորում. Լավրովը խոսել է Այվազյանի հետ
թեգերը:
հանրահավաք, Անդրանիկ Քոչարյան, Վազգեն Մանուկյան, Հայրենիքի փրկության շարժում, Հայաստան, Յուրի Խաչատուրով

Գլխավոր թեմաներ