03:11 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հայաստան
Ստանալ կարճ հղումը
11102

Այդուհանդերձ, Սիմոնյանը չհերքեց` ավտոբուսներով մարդկանց հանրահավաքի բերել ու հետ են տարել, բայց դա, նրա համոզմամբ, վարչական ռեսուրսի կիրառում չէ։

ԵՐԵՎԱՆ, 2 մարտի - Sputnik. Խոսել այն մասին, որ «Քաղաքացիական պայմանագիրն» իր համախոհներին ավտոբուսներով տեղափոխել է Ա կետից Բ կետ, անլուրջ է։ Այսօր ԱԺ–ում նման տեսակետ հայտնեց ԱԺ փոխնախագահ Ալեն Սիմոնյանը` մեկնաբանելով մարտի 1-ի հանրավահաքից հետո նկարահանված տեսանյութերը, որտեղ երևում էր, թե ինչպես են հանրահավաքի մասնակիցներին տուրիստական ավտոբուսներով ու միկրոավտոբուսներով վերադարձնում իրենց մարզային բնակավայրեր։

«Երբ որ հրապարակում կանգնած ժողովուրդը միասնական վանկարկում է «Նիկոլ վարչապետ», երբ որ միասնական լույս են վառում, խոսել այն մասին, որ «Քաղաքացիական պայմանագիրն» իր համախոհներին ավտոբուսներով տեղափոխել է Ա կետից Բ կետ, անլուրջ է»,– ասաց ԱԺ փոխնախագահը։

Այդուհանդերձ, Սիմոնյանը չհերքեց` ավտոբուսներով մարդկանց հանրահավաքի բերել ու հետ են տարել, բայց դա վարչական ռեսուրսի կիրառում չէ։

«Այո, կազմակերպվել է ինչ-որ անձանց տեղափոխում։ Բայց դա անվանել վարչական ռեսուրսի կիրառություն, կարելի կլինի միայն այն պարագայում, երբ ՊՆ–ի ոստիկանության կամ ԱԺ–ի ավտոբուսն ուղարկենք ՔՊ–ի համակիր բերելու»,– ասաց Սիմոնյանը։

Սիմոնյանը նաև արձանագրեց, որ ՔՊ–ն բոլոր հարցումներով Հայաստանում շատ ավելի մեծ թվով համակիրներ ունի, քան ընդդիմադիր ուժերը։

Շահո՞ւմ են, թե՞ կորցնում՝ երկրի ղեկավար դառնալով

Հիշեցնենք` հանրահավաքի մասնակիցներին մարզեր տեղափոխող ավտոբուսները Մյասնիկյանի արձանի հարակից տարածքում արձանագրել էր նաև Sputnik Արմենիայի տեսախցիկը։

Գործընթացի կազմակերպիչները թույլ չէին տվել ավտոբուսներում նստած քաղաքացիներին պատասխանել լրագրողների հարցերին։

Լրագրողի հարցի՞ն, թե որտեղից են նրանք եկել Երևան, արդյո՞ք Մարտունիից, ավտոբուսում նստած տղամարդն արձագանքեց. «Թողեք էթանք, հո դու զզվանք չեք»։

Ըստ թեմայի

Օնիկ Գասպարյանի դուստրը պատասխանել է Նիկոլ Փաշինյանին
Նիկո՛լ, ներողությունը շատ քիչ է. Իշխան Սաղաթելյանն արձագանքեց վարչապետի ներողությանը
ԳՇ հայտարարությանը չեն միացել 4 պաշտոնյա. ի՞նչ մտավախություն ունեն նրանք. «Ժողովուրդ»
թեգերը:
Հրաժարական, Նիկոլ Փաշինյան, Հայաստան, ավտոբուս, հանրահավաք, Ալեն Սիմոնյան

Գլխավոր թեմաներ