12:51 23 ապրիլի 2021
Ուղիղ եթեր
  • USD522.24
  • GBP726.17
  • EUR628.99
  • RUB6.86
Հայաստան
Ստանալ կարճ հղումը
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)
890 0 0

Վազգեն Մանուկյանը հայտնեց, թե ինչ են ասել իրենց` նախագահական նստավայր այցելած պատվիրակության անդամներին։

ԵՐԵՎԱՆ, 3 մարտի- Sputnik. ՀՀ նախագահ Արմեն Սարգսյանը ԳՇ պետ Օնիկ Գասպարյանին աշխատանքից ազատելու` վարչապետի փաստաթուղթը չուղարկեց Սահմանադրական դատարան։ Բաղրամյան պողոտայում ընթացող հանրահավաքի ժամանակ այս մասին հայտնեց Հայրենիքի փրկության շարժման վարչապետի թեկնածու Վազգեն Մանուկյանը։

Նշենք, որ նախագահը պետք է եռօրյա ժամկետում ՍԴ դիմեր` Գասպարյանի աշխատանքից ազատման փաստաթուղթը վիճարկելով։ Երեք օրն այսօր լրացավ։

«Իրավաբանները գտան մի միջոց, ըստ որի` մինչև մարտի 8-ը Օնիկ Գասպարյանին պաշտոնանկ անել չեն կարող։ Արանքում նախագահը նորից պետք է միջամտի ՍԴ։ Այդ խոստումն ու իրադրությունն է բացատրվել մեր` նախագահական այցելած պատվիրակությանը։ Այսինքն` այն, ինչ ուզում էինք, չստացանք, ստացանք կիսատ–պռատ»,–ասաց Մանուկյանը։

Նրա խոսքով` սա նշանակում է, որ մի քայլ ևս արեցին, սակայն դեռ պայքարելու ժամանակ կա։

Մանուկյանն ասաց նաև, որ Փաշինյանը նախորդ հանրահավաքին կարողացավ հավաքել 15 000 մարդ, ինչը ցույց է տալիս, որ առաջին հենարանի հարցը լուծել են` ժողովուրդն իր հետ չէ։ Երկրորդ հենարանն ուժային կառույցներն են, իսկ բանակը դրա հիմնասյունն է։

«Բանակը կանգնեց ժողովրդի կողքին, իսկ մյուս ուժային կառույցները չեն կարող թպրտալ ռազմական դրության ժամանակ»,–ասաց Մանուկյանը։

Մանուկյանը հավելեց, որ հաջորդ երկու օրերին մարզեր կայցելեն։

Հիշեցնենք` Հայաստանի ներքաղաքական դաշտում իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։

թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)

Ըստ թեմայի

Բանակը չի ենթարկվի Օնիկ Գասպարյանին ազատելու որոշմանը. Վազգեն Մանուկյան
Դատախազությունը հերքում է Օնիկ Գասպարյանի նկատմամբ քրգործ հարուցելու մասին լուրերը
Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել
թեգերը:
Նիկոլ Փաշինյան, Սահմանադրություն, Օնիկ Գասպարյան, Նախագահ, Արմեն Սարգսյան

Գլխավոր թեմաներ