ԵՐԵՎԱՆ, 18 մարտի - Sputnik. Ազգային անվտանգության ծառայությունն առաջարկում է արգելել ՀՀ պետական սահմանին տեսալուսանկարահանող սարքերի և անօդաչու թռչող սարքերի միջոցով նկարահանումներ իրականացնել առանց թույլտվություն ստանալու։
ԱԱԾ–ի առաջարկած նախագիծն այսօր ընդունվեց կառավարության նիստում. այն ներառված էր չզեկուցվող հարցերի շարքում։
Մասնավորապես, ԱԱԾ-ն ներկայացրել է «Պետական սահմանի մասին» օրենքում լրացում կատարելու մասին» և «Վարչական իրավախախտումների վերաբերյալ ՀՀ օրենսգրքում փոփոխություն կատարելու մասին» նախագծերը։
«Արգելվում է առանց համապատասխան թույլտվության օգտագործել անօդաչու թռչող սարքեր, տեսալուսանկարահանել սահմանակից պետության տարածքը, սահմանային շերտում տեղակայված ինժեներական կառույցները և արգելափակոցները, սահմանապահ զորքերի կողմից օգտագործվող շենքեր, շինություններ, դիտաշտարակներ, տրանսպորտային միջոցներ»,–նշված է նախագծում։
«Կարծում եմ՝ տեխնիկական խնդիրներ կան». ԱԱԾ փոխտնօրենը` անհետացած Boeing օդանավի մասին
Իսկ հիմնավորման մեջ նշվում է, որ սահմանամերձ բնակավայրի բնակիչների կամ զբոսաշրջիկների կողմից կատարվող նկարահանումները չեն վրիպում սահմանակից պետության սահմանապահ ծառայության ներկայացուցիչների ուշադրությունից. սա բողոքի տեղիք է տալիս: Նշվում է նաև, որ նկարահանումները կարող են խիստ բացասական անդրադառնալ ՀՀ պետական սահմանի պահպանման համար։
Հիշեցնենք, որ նախագիծը հանրային քննարկման էր դրվել դեռևս 2020-ի հուլիսին։
Ինչպե՞ս են ապրում Ադրբեջանին սահմանակից Տավուշի գյուղերում. տեսանյութեր, լուսանկարներ
