08:01 06 մայիսի 2021
Ուղիղ եթեր
  • USD521.04
  • GBP723.93
  • EUR625.46
  • RUB6.97
Հայաստան
Ստանալ կարճ հղումը
69 0 0

ԱԺ արտահերթ նիստում քննարկվում է դատական օրենսգրքում փոփոխություններ կատարելու հարցը։ Այժմ առաջին ընթերցմամբ են նախագիծը քննարկում, սակայն առաջարկում են 24 ժամվա ընթացքում երկրորդ ընթերցումը կազմակերպել։

ԵՐԵՎԱՆ, 19 մարտի - Sputnik. Դատավորին կարգապահական պատասխանատվության ենթարկելու համար ԲԴԽ–ին իրավունք կունենան դիմել ֆիզիկական և իրավաբանական անձինք` իրենց մասնակցությամբ կոնկրետ գործերով։ ԱԺ արտահերթ նիստի ժամանակ ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը հայտնեց` նման փոփոխություն է առաջարկվում անել «ՀՀ դատական օրենսգիրք» սահմանադրական օրենքում և կից օրենքներում փոփոխություններ և լրացումներ կատարելու մասին» նախագծով։

Նախկինների գործերով և ոչ միայն. Հայաստանում նոր «մասնագիտության» դատավորներ կհայտնվեն

Նշենք, որ նախագիծը ներկայացրել են ԱԺ պատգամավորներ Վլադիմիր Վարդանյանը, Աննա Կարապետյանը, Արթուր Դավթյանը, Վահագն Հովակիմյանը և Սերգեյ Ատոմյանը։

«Նախագիծն ընդունվելու դեպքում առաջարկվում է, որ արդարադատության նախարարից, դատավորների ընդհանուր ժողովի էթիկայի և կարգապահական հարցերի հանձնաժողովից բացի, ԲԴԽ–ին կարող են դիմել քաղաքացիները։ Այս դեպքում քաղաքացու դիմումն ինքնին, առիթ է լինելու դատավորին կարգապահական պատասխանատվության ենթարկելու հարցը ԲԴԽ–ում քննելու համար»,–ասաց Վարդանյանը։

Նա հայտնեց նաև, որ որպես դատական սանկցիայի առանձին տեսակ, նախատեսվում է իրավունքի իրականացման սահմանափակումը։ Այսինքն` առաջարկվում է սանկցիան դատարանի կողմից կիրառելի դարձնել այն դեպքերում, երբ դատավարության մասնակիցն իր դատավարական իրավունքներից օգտվելիս պարբերաբար չարաշահում է դրանք։

Բացի այդ, առաջարկվում է ԲԴԽ–ին օժտել դատարանների բնականոն գործունեության ապահովելու լիազորություն նախատեսելով. ԲԴԽ–ն նորմատիվ իրավական ակտեր կարող է ընդունել դատարանների նկատմամբ։

Վարդանյանը նշեց, որ առաջարկվում է նաև ԲԴԽ–ին լիազորություն վերապահել առանձնակի բարդություն ունեցող քրեական գործերի քննության արդյունավետությունը և դատավարության մասնակիցների իրավունքների և օրինական շահերի պահպանումն ապահովելու նպատակով, դատարանի կազմից ընտրել 3 դատավորների, որոնց միջև կբաշխվեն առանձնակի բարդություն ունեցող գործերը։

Մեկ այլ փոփոխությամբ էլ նախատեսվում է, որ ԲԴԽ–ն լիազորություն կունենա գործը վերցնել այն դատավորներից, որոնք դրսևորել են նման գործեր իրենց մոտ քննելու անհրաժեշտ հմտությունների բացակայություն։

«Մարտի 1»-ի դատն անհարկի ձգձգվում է. փաստաբաններն ու դատավորը մեղադրում են միմյանց

Վարդանյանը հավելեց, որ նախագծի ընդունման հրատապությունը պայմանավորված է դատական համակարգի առջև ծառացած մի շարք արդիական խնդիրները շուտափույթ լուծելու հանգամանքով։

Նա նշեց նաև, որ առաջարկում է բացի այս` առաջին ընթերցումից, 24 ժամվա ընթացքում կազմակերպել նախագծերի երկրորդ ընթերցման գործընթացը կազմակերպելը։

Ըստ թեմայի

«Պատերի տակ վնգստացող դատավորնե՞ր ենք, թե՞ ազնիվ պրոֆեսիոնալներ». ԲԴԽ նախագահի կոչը
Վճռաբեկ դատարանի 9 դատավորներից 6-ը հրաժարվել են մասնակցել ԲԴԽ անդամի ընտրությանը
ԲԴԽ–ն Կոռուպցիայի կանխարգելման հանձնաժողովի անդամի պաշտոնում առաջադրել է Փաշինյանին
թեգերը:
պատիժ, Դատավոր, Բարձրագույն դատական խորհուրդ (ԲԴԽ), Դատարան

Գլխավոր թեմաներ