07:22 19 ապրիլի 2021
Ուղիղ եթեր
  • USD522.20
  • GBP719.54
  • EUR625.49
  • RUB6.89
Հայաստան
Ստանալ կարճ հղումը
6810

Նախագահն ու կաթողիկոսը քննարկել նաև Արցախի հոգևոր-մշակութային ժառանգության պահպանմանը վերաբերող խնդիրներ։

ԵՐԵՎԱՆ, 20 մարտի - Sputnik. Արցախյան պատերազմից հետո ստեղծված իրավիճակն ու մարդասիրական խնդիրներն այսօր քննարկել են ՀՀ նախագահ Արմեն Սարգսյանը և Ամենայն հայոց կաթողիկոս Գարեգին Բ-ն։ Նախագահի պաշտոնական կայքից տեղեկանում ենք, որ Արմեն Սարգսյանն այցելել է Մայր աթոռ սուրբ Էջմիածին և հանդիպել կաթողիկոսի հետ։

«Հանրապետության նախագահը և Վեհափառ Հայրապետն անդրադարձել են մասնավորապես Ադրբեջանում պահվող հայ ռազմագերիների և քաղաքացիական անձանց վերադարձի, անհայտ կորածների և զոհվածների աճյունների հայտնաբերման ուղղությամբ ձեռնարկվող աշխատանքներին»,–նշված է հաղորդագրության մեջ։

Բացի այդ, քննարկվել են նաև Արցախի հոգևոր-մշակութային ժառանգության պահպանմանն վերաբերող խնդիրներ։ Կողմերն իրենց մտահոգությունն են հայտնել Ադրբեջանի վերահսկողության տակ գտնվող տարածքներում պատմական հուշարձանների և սրբավայրերի նկատմամբ դրսևորվող բարբարոսական վերաբերմունքի առնչությամբ։

ԼՂ–ում հրադադարի հաստատման եռակողմ համաձայնագիրը չստորագրելը մեծ աղետ կլիներ. Փաշինյան

Նախագահը և վեհափառ հայրապետն անդրադարձել են երկրում ստեղծված իրավիճակին, ներքաղաքական ճգնաժամը հաղթահարելու ուղիներին, ինչպես նաև խոսել ազգային կարևորագույն խնդիրների ու մարտահրավերների մասին։

Հիշեցնենք, որ այսօր Արագածոտնի մարզի Ուջան համայնքի բնակիչների հետ հանդիպման ժամանակ վարչապետ Նիկոլ Փաշինյանը հայտնել է, որ պատերազմի հետևանքով ունենք հաստատված 3250 զոհ, մեծ թվով անհետ կորածներ։ Բացի այդ, 189 ծնող էլ ԴՆԹ են արել և սպասում են պատասխանի։

Սերժ Սարգսյանը գիտեր` որտեղ է բերել-հասցրել Ղարաբաղի բանակցային գործընթացը. Նիկոլ Փաշինյան

Ըստ թեմայի

Պուտինի ջանքերի շնորհիվ սահմանային վանքերի անվտանգությունն ապահովված է․ Գարեգին Բ
Գարեգին Բ–ն գերիների հարցով պատրաստվում է դիմել Հռոմի պապին
Արցախը չի կարող լինել Ադրբեջանի կազմում․ Գարեգին Բ–ն հիշեցնում է վերջին 33 տարիները
թեգերը:
Նախագահ, Ամենայն Հայոց կաթողիկոս Գարեգին Բ, Արմեն Սարգսյան

Գլխավոր թեմաներ