08:50 12 մայիսի 2021
Ուղիղ եթեր
  • USD522.10
  • GBP737.78
  • EUR635.08
  • RUB7.06
Հայաստան
Ստանալ կարճ հղումը
105 0 0

Նախագահը շարունակում է քաղաքական տարբեր ուժերի հետ քննարկումների շարքը։

ԵՐԵՎԱՆ, 22 մարտի – Sputnik․ Խորհրդարանական և արտախորհրդարանական քաղաքական ուժերի հետ իր նախաձեռնած քննարկումների շրջանակում նախագահ Արմեն Սարգսյանն այսօր ընդունել է «Արդար Հայաստան» կուսակցության ղեկավարներին։ Տեղեկությունը հայտնում է նախագահի մամուլի ծառայությունը։

Նախագահական նստավայրում են հյուրընկալվել կուսակցության նախագահ Նորայր Նորիկյանը, փոխնախագահներ Դավիթ Կարապետյանն ու Էդուարդ Տերտերյանը:

«Հանդիպմանը քննարկվել են երկրում ստեղծված իրավիճակը և ներքաղաքական ճգնաժամը հաղթահարելու ուղիները»,- նշված է հաղորդագրության մեջ։

Կուսակցության ներկայացուցիչները ներկայացրել են իրենց տեսակետներն ու առաջարկությունները՝ ստեղծված ճգնաժամը հաղթահարելու ուղղությամբ։

Նշենք, որ նոյեմբերի 9–ի եռակողմ հայտարարության ընդունումից հետո երկրում առաջացած ներքաղաքական ճգնաժամը հաղթահարելու համար ՀՀ նախագահ Արմեն Սարգսյանը պարբերաբար հանդիպումներ է ունենում տարբեր քաղաքական ուժերի ներկայացուցիչների հետ։

Երբ երկրում ներքաղաքական ճգնաժամն առավել սրվեց, Արմեն Սարգսյանն ընդդիմադիր ուժերին ու Նիկոլ Փաշինյանին առաջարկել էր հանդիպել նախագահական նստավայրում։

Ավելի ուշ հայտնի դարձավ, որ այդ ձևաչափով հանդիպում չի կայանա։ Նախագահի մամուլի ծառայությունը հայտարարեց` քանի որ «Բարգավաճ Հայաստան» խորհրդարանական խմբակցությունը և Հայրենիքի փրկության շարժումը հանդիպման համար առաջարկել են իրենց օրակարգն ու պայմաններ ներկայացրել, այս պահին մեկ սեղանի շուրջ հանդիպման ձևաչափը դառնում է անիրագործելի։

ՀՀ նախագահը երկրում տիրող իրավիճակը քննարկել է Արտակ Թովմասյանի հետ

Այնուամենայնիվ, նախագահը շարունակեց հանդիպումների շարքը։ Մարտի 13-ին ՀՀ նախագահի մամուլի ծառայությունը հայտնեց, որ Սարգսյանը հանդիպել է վարչապետ Նիկոլ Փաշինյանի, «Լուսավոր Հայաստան» խմբակցության նախագահ Էդմոն Մարուքյանի և «Իմ քայլը» խմբակցության նախագահ Լիլիթ Մակունցի հետ:

ՀՀ նախագահը հանդիպել է Արամ Սարգսյանի հետ. լուսանկարներ

Ըստ թեմայի

Սահմանների որոշման գործընթացն իրավական տեսանկյունից այս պահին անորոշ է. Արմեն Սարգսյան
Կա զինադադարի փաստաթուղթ, չկա Մինսկի խումբը. Արմեն Սարգսյան
ՌԴ նախագահը հսկայական ներդրում ունի պատերազմը կանգնեցնելու գործում. Արմեն Սարգսյան
«Դու պետք է կարողանաս նույնիսկ թշնամիներին մոտ լինել կամ մոտիկից իմանալ». Արմեն Սարգսյան
թեգերը:
Նախագահ, հանդիպում, «Արդար Հայաստան» կուսակցություն, Արմեն Սարգսյան

Գլխավոր թեմաներ