14:04 06 մայիսի 2021
Ուղիղ եթեր
  • USD521.04
  • GBP723.93
  • EUR625.46
  • RUB6.97
Հայաստան
Ստանալ կարճ հղումը
137 0 0

Էկոնոմիկայի նախարարը վստահեցրեց, որ շուտով կգա նաև բարեփոխումների արդյունքները վայելելու ժամանակը, երբ որևէ չինովնիկ այլևս չի կարողանա խոչընդոտել երկրի զարգացման ընթացքը:

ԵՐԵՎԱՆ, 24 մարտի – Sputnik. Հայաստանի կառավարությունում կոռուպցիա չկա, բայց կան նախկին կոռումպացված համակարգից մնացած որոշ տարրեր: Այսօր ԱԺ-ում նման հայտարարություն արեց ՀՀ Էկոնոմիկայի նախարար Վահան Քերոբյանը կառավարության անդամների հետ հարցուպատասխանի ժամին:

«Նախկին կոռումպացված համակարգի դեռևս գործող տարրերը թույլ են տալիս որոշ չինովնիկների կամայական որոշումներ կայացնել, որոնց հետևանքով մասնավոր ներդրողները պրոբլեմ են ունենում»,- ասաց Քերոբյանը՝ մեկնաբանելով նախկինում իր արած մեկ այլ հայտարարություն այն մասին, որ ներդրումային ծրագրերը շատ երկար ժամանակ մնում են պաշտոնյաների դարակներում:

«Արվել է շատ մեծ քանակի աշխատանք, բայց դա չի նշանակում, որ ամբողջ նախկին համակարգն արմատախիլ է արվել, ու դրա տեղը ներդրվել է ամբողջությամբ գործուն մեխանիզմ»,- ասաց նախարարը:

Քերոբյանը վստահեցրեց, որ շուտով կգա նաև բարեփոխումների արդյունքները վայելելու ժամանակը, երբ որևէ չինովնիկ այլևս չի կարողանա խոչընդոտել երկրի զարգացման ընթացքը:

Անդրադառնալով ներդրումների խնդրին` էկոնոմիկայի նախարարը վստահեցրեց, որ դրանք Հայաստանում ամեն օր են արվում:

«Երկու օր առաջ ես իմ գրառմամբ հայտնեցի, որ շվեդական 25 մլն դոլար կապիտալիզացիայով մի ընկերություն իր գրասենյակն արդեն բացել է Հայաստանում, երեկ հայտարարվեց, որ կառավարության համաֆինանսավորմամբ հիմնվել է ծիրանի ամենամեծ ինտենսիվ այգին Արտամետ համայնքում, այսօր ես ստորագրել եմ փաստաթուղթ, որը 3 մլն դոլարանոց ջերմոցային տնտեսության ներդրում է։ Ու այդպես ամեն օր է»,- ասաց նախարարը։

Նա նշեց, որ նախարարությունը հայտարարում է միայն ամենանշանակալի ծրագրերի մասին, մինչդեռ ներդրումներն իրականում շատ ավելի շատ են:

Ըստ թեմայի

Բիզնեսով զբաղվող պաշտոնյաներ, գույքի հայտարարագրում. կոռուպցիայի դեմ քայլեր են արվում
Կոռուպցիայի դեմ պայքա՞ր՝ չէ, չենք տեսել
Կոռուպցիոն ռիսկեր չենք տեսել. ՊԵԿ նախագահը` Սերժ Սարգսյանի հիշատակած զրահաբաճկոնների մասին
թեգերը:
կոռուպցիա, կառավարություն, Վահան Քերոբյան, Հայաստան

Գլխավոր թեմաներ