12:00 16 ապրիլի 2021
Ուղիղ եթեր
  • USD521.20
  • GBP718.58
  • EUR624.29
  • RUB6.79
Հայաստան
Ստանալ կարճ հղումը
31 0 0

Նախարար Այվազյանը Իրաքի պաշտպանության նախարարի հետ հանդիպման ժամանակ ընդգծել է ահաբեկչության դեմ պայքարում երկու երկրների միջև սերտ փոխգործակցության անհրաժեշտությունը։

ԵՐԵՎԱՆ, 25 մարտի – Sputnik. ՀՀ արտաքին գործերի նախարար Արա Այվազյանը հանդիպել է Իրաքի Հանրապետության պաշտպանության նախարար Ջումաա Ինադ Սաադուն Խատտաբի հետ։ Տեղեկությունը հայտնում է ՀՀ ԱԳՆ մամուլի ծառայությունը։

Встреча министра иностранных дел Армении Ара Айвазяна с министром обороны Ирака Джумаа Инад Саадун Хаттаби (25 марта 2021). Еревaн
Իրաքի Հանրապետության պաշտպանության նախարար Ջումաա Ինադ Սաադուն Խատտաբ

«Զրուցակիցներն ընդգծեցին Հայաստանի և Իրաքի միջև ռազմական և անվտանգային երկխոսության խորացման կարևորությունը՝ երկուստեք համոզմունք հայտնելով, որ նշված ոլորտներում սերտ համագործակցությունը դրական ազդեցություն կունենա տարածաշրջանային կայունության և խաղաղության ապահովման գործում»,– նշված է հաղորդագրության մեջ։

Նախարարներն անդրադարձել են նաև տարածաշրջանային անվտանգության հարցերի լայն շրջանակի։ Նախարար Այվազյանն իր զրուցակցի ուշադրությունն է հրավիրել Ադրբեջանի կողմից Արցախի դեմ սանձազերծած պատերազմում Թուրքիայի անմիջական ներգրավվածության վրա՝ մտահոգություն հայտնելով վերջինիս կողմից հակամարտության գոտում օտարերկրյա զինյալ ահաբեկիչների և վարձկանների տեղակայման առնչությամբ։

Встреча министра иностранных дел Армении Ара Айвазяна с министром обороны Ирака Джумаа Инад Саадун Хаттаби (25 марта 2021). Еревaн
Իրաքի Հանրապետության պաշտպանության նախարար Ջումաա Ինադ Սաադուն Խատտաբի գլխավորած պատվիրակությունը

Այս համատեքստում ընդգծվել է հնարավոր ձևաչափերում ահաբեկչության դեմ պայքարում երկու երկրների միջև սերտ փոխգործակցության անհրաժեշտությունը։

Встреча министра иностранных дел Армении Ара Айвазяна с министром обороны Ирака Джумаа Инад Саадун Хаттаби (25 марта 2021). Еревaн
ՀՀ արտաքին գործերի նախարար Արա Այվազյանը հանդիպել է Իրաքի Հանրապետության պաշտպանության նախարար Ջումաա Ինադ Սաադուն Խատտաբի հետ

Հիշեցնենք` այսօր ավելի վաղ Ջումաա Ինադ Սաադուն Խատտաբի գլխավորած պատվիրակության հետ հանդիպել էր ՀՀ ՊՆ Վաղարշակ Հարությունյանը։

Նրանք ստորագրել են պաշտպանության բնագավառում երկու երկրների համագործակցության համաձայնություն, որով սահմանվել են փոխադարձ հետաքրքրություն ներկայացնող համագործակցության 13 ոլորտներ:

Փաստաթղթով նախատեսվում է նաև նախապատրաստել և ստորագրել ՀՀ պաշտպանության նախարարության և Իրաքի պաշտպանության նախարարության միջև պաշտպանության բնագավառում համագործակցության մասին փոխըմբռնման հուշագիր։

Իրաքի Հանրապետության պաշտպանության նախարարի գլխավորած պատվիրակությունը մարտի 25-ին այցելել է նաև Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության սրբադասված նահատակների հիշատակին։

Հայաստանի ու Իրաքի քաղաքացիներն իրենց երջանիկ չեն զգում. հարցման արդյունքներ

Ըստ թեմայի

Հռոմի պապն Իրաքում այցելել է հայկական և սիրիական եկեղեցիներ
«Կարևորում ենք Իրաքի հետ հարաբերությունները». Էրբիլում ՀՀ հյուպատոսություն բացվեց
«Հորս արև, ես հայերեն չեմ խոսում», կամ 22-ամյա իրաքցի Ալաայի առօրյան Երևանում
թեգերը:
Ահաբեկչություն, Արա Այվազյան, Նախարար, Իրաք

Գլխավոր թեմաներ