16:35 20 ապրիլի 2021
Ուղիղ եթեր
  • USD521.89
  • GBP729.86
  • EUR629.29
  • RUB6.85
Հայաստան
Ստանալ կարճ հղումը
67 0 0

Արման Թաթոյանը Գեղամ Ստեփանյանին նաև խորհուրդ է տալիս շարունակել գործել չդադարող եռանդով, հետևողականորեն արձանագրել իրավունքների բոլոր խախտումները՝ արցախցիների իրավունքների պաշտպանությանը նպաստելու համար:

ԵՐԵՎԱՆ, 26 մարտի – Sputnik. Հայաստանի մարդու իրավունքների պաշտպան Արման Թաթոյանը շնորհավորել է Արցախի իր նոր պաշտոնակցին՝ նշանակման առիթով:

«Այս պատերազմի ողջ ընթացքում պարոն Ստեփանյանի զօրուգիշեր պրոֆեսիոնալ աշխատանքը լուրջ ներդրում էր ադրբեջանական զինված ուժերի էթնիկ զտումների, պատերազմական ու մարդկության դեմ ուղղված հանցագործությունների համար փաստահավաք աշխատանքների հարցում: Համոզված եմ, որ Մարդու իրավունքների պաշտպանի պաշտոնում Գեղամ Ստեփանյանը իր աշխատակազմի կայացած, պրոֆեսիոնալ թիմով գործելու է հենց այս սկզբունքով»,- նշում է Թաթոյանը՝ անձամբ իր ու իր աշխատակազմի անունից պատրաստակամություն հայտնելով շարունակել համատեղ աշխատանքները՝ հանուն Արցախի ժողովրդավարության և յուրաքանչյուր բնակչի իրավունքների երաշխավորման:

«Չնայած ռազմական գործողությունների դադարին` ադրբեջանական բարձրագույն իշխանությունների հայատյացության ագրեսիվ քաղաքականությունը և ցեղասպանության բացահայտ հռետորաբանությունը ստիպում են գործել գիտակցումով, որ պատերազմական վիճակը չի դադարել»,- արձանագրում է ՀՀ ՄԻՊ-ը:

Նա նաև խորհուրդ է տալիս շարունակել գործել չդադարող եռանդով, հետևողականորեն արձանագրել իրավունքների բոլոր խախտումները՝ Արցախում բնակվող մեր հայրենակիցների իրավունքների պաշտպանությանը նպաստելու համար:

Ֆիննախի պարզաբանումները պարզապես բարի ցանկություններ ու խոստումներ են. ՄԻՊ

Հիշեցնենք՝ մարտի 25-ին Արցախի Հանրապետության Ազգային ժողովը Մարդու իրավունքների պաշտպանի պաշտոնում ընտրեց Գեղամ Ստեփանյանին:

Այդ պաշտոնը թափուր էր 2020թ-ի դեկտեմբերից, երբ Արցախի ՄԻՊ Արտակ Բեգլարյանը հրաժարականի դիմում էր ներկայացրել:

Ըստ թեմայի

Փաշինյանի ու Արցախի նախագահի մասնակցությամբ խորհրդակցություն է անցկացվել
Արցախի նախագահն ու ՀՀ արտգործնախարարը քննարկել են գերիներին վերադարձնելու քայլերը
Արցախում ամեն օր ավելի քան 100 պայթյունավտանգ օբյեկտ է ոչնչացնում
թեգերը:
Գեղամ Ստեփանյան, Արման Թաթոյան, Արտակ Բեգլարյան (Արցախի ՄԻՊ), ՀՀ ՄԻՊ, Հայաստան, Լեռնային Ղարաբաղ, Արցախ

Գլխավոր թեմաներ