22:34 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Հայաստան
Ստանալ կարճ հղումը
192 0 0

Ռուս զինծառայողների այցելությանը Տավուշի մարզ, ըստ մարզպետի, մշտական բնույթ է կրում և կապված է ՊՆ-ի գործողությունների ու մշտական պարտականությունների իրականացման հետ:

ԵՐԵՎԱՆ, 26 մարտի — Sputnik. Տավուշի մարզում ամեն ինչ հանգիստ է, սահմանի փոփոխության որևէ քննարկում չկա: Այսօր Երևանում Տավուշի մարզի տնտեսական զարգացման 2021-2025 թվականների ռազմավարության նախագծի քննարկման ժամանակ, լրագրողների հետ զրույցում ասաց Տավուշի մարզպետ Հայկ Չոբանյանը՝ հերթական անգամ հերքելով Տավուշում սահմանների վերանայման մասին լուրերը:

«Ես բացառում եմ Տավուշի մարզից շրջաններ հանձնելու գործընթացը՝ որևէ մեկի կողմից, գոնե այնքան ժամանակ, քանի դեռ ես կապրեմ այս երկրում ու քանի դեռ կլինեմ Տավուշի մարզպետ: Եթե որևէ վտանգ լինի, առաջինը ես կլինեմ, որ կանգնած կլինեմ այդ սահմանում՝ վտանգը չեզոքացնելու: Հայ ժողովրդի և Հայաստանի համար այս թեման պետք է փակ լինի և քննարկման առարկա չդառնա: Այս խնդիրները քննարկելու վտանգը ներսում չէ, այլ դրսում: Դրա համար մեր այս քննարկումներով չպետք է վախկոտ, մեզ համար ոչ ձեռնտու վարքագիծ ցուցաբերենք և ջուր լցնենք թշնամու ջրաղացին։ Ես ուզում եմ՝ այս թեման փակվի ընդհանրապես»,- ասաց Չոբանյանը:

Ինչ վերաբերում է ռուս զինծառայողների այցելությանը Տավուշի մարզ, դա, մարզպետի խոսքով, մշտական բնույթ է կրում և կապված է ՊՆ-ի գործողությունների ու մշտական պարտականությունների իրականացման հետ: Ոստի այս խնդրին վերաբերող բոլոր հարցերը մարզպետը հորդորում է ուղղել ՀՀ ԶՈւ ղեկավարությանը:

«Մենք պատերազմական երկիր ենք, և կան հարցեր, որ նույնիսկ հրապարակային քննարկման ենթակա չեն: Դրա համար համապատասխան գերատեսչությունը թող որոշի, թե այդ հարցի պատասխանը ինչ լայնությամբ և ինչ ծավալով կարող է ներկայացնել հանրությանը»,- ասաց Չոբանյանը:

Տավուշում սահմանազատման աշխատանքներ չեն կատարվում. մարզպետը խոսել է խուճապի պատճառներից

Հիշեցնենք՝ շուրջ մեկ ամիս է, ինչ համացանցում ակտիվ խոսակցություններ են պտտվում Տավուշի մարզի սահմանամերձ տարածքների հավանական զիջումների մասին, որոնց, ըստ նույն աղբյուրների` մասնակցում են ռուս զինվորականները։

Այդ օրերին Sputnik Արմենիան փորձեց պարզել, թե ով է ասել ռուսների մասնակցության մասին ու գրեթե բոլոր բնակիչները պատասխանեցին` այդ մասին Facebook-ում են կարդացել։

Ըստ թեմայի

Հայտնի է` ինչ են պայմանավորվել Տավուշի մարզպետը և Նոյեմբերյան-Երևան ճանապարհը փակած անձինք
Տավուշում անվտանգ երթևեկություն ապահովելու համար դատախազի պաշտոնակատարը դիմել է ՃՈ պետին
Տավուշի ջրերի կառավարման համակարգը փաստարկ կդառնա Բաքվի հետ հարաբերություններում․ մարզպետ
թեգերը:
Մարզպետ, Դելիմիտացիա, Դեմարկացիա, Սահման, Տավուշ

Գլխավոր թեմաներ