18:35 13 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Հայաստան
Ստանալ կարճ հղումը
53 0 0

Հայկական կողմն ակնկալում է, որ Ադրբեջանի վերահսկողության տակ անցած տարածքներում հայկական մշակութային ժառանգության պահպանության հարցում կաջակցի առաջադեմ մարդկությունը։

ԵՐԵՎԱՆ, 30 մարտի - Sputnik. Հայկական կողմն ունի հավաստի տեղեկություններ, որ շուրջ 4000 հայկական վանքեր և մշակութային հուշարձաններ այս պահին գտնվում են ոչնչացման իրական վտանգի տակ: ՀՀ կրթության, գիտության, մշակույթի և սպորտի նախարար Վահրամ Դումանյանն այդ մասին խոսել է ՀՀ-ում Ղազախստանի նորանշանակ արտակարգ և լիազոր դեսպան Բոլատ Իմանբաևի գլխավորած պատվիրակության հետ հանդիպման ժամանակ:

Գերատեսչության տարածած հաղորդագրության համաձայն` նախարարը դեսպանի ուշադրությունը հրավիրել է Ադրբեջանի վերահսկողության տակ անցած տարածքներում հայկական մշակութային ժառանգության պահպանության խնդրին և նշել, որ հայկական կողմն ակնկալում է առաջադեմ մարդկության աջակցությունը:

«ԿԳՄՍ նախարարը հույս է հայտնել, որ Ղազախստանի կառավարությունն այդ հարցը կպահի իր ուշադրության կենտրոնում»,–նշված է հաղորդագրության մեջ։

Դումանյանն ընդգծել է, որ Հայաստանի 10 առաջատար բուհեր արդեն իսկ համագործակցում են Ղազախստանի գործընկեր կառույցների հետ, ինչը նպաստում է երկու պետությունների բուհերի միջազգայնացմանը և գրավչության բարձրացմանը: Նախարարը նշել է, որ ՀՀ բուհերում սովորում են Ղազախստանի շուրջ 40 քաղաքացիներ՝ ակնկալելով, որ նրանց թիվը կավելանա:

Հիշեցնենք` այսօր հայտնի դարձավ, որ Ադրբեջանը հողին է հավասարեցրել Հայոց ցեղասպանության, Հայրենական պատերազմի և արցախյան առաջին պատերազմի զոհերի հիշատակին նվիրված կոթողը։ Արցախյան 44–օրյա պատերազմի ավարտից հետո ադրբեջանցիներն արդեն ավերել են Շուշիի Կանաչ ժամ եկեղեցին, պղծել Մատաղիսի եկեղեցին, գետնին հավասարեցրել 2017 թվականին Արցախի Մեխակավան բնակավայրում օծված Զորավոր սուրբ Աստվածածին եկեղեցին։

Ըստ թեմայի

Միտումնավոր բնույթ է ունեցել. ԱԳՆ–ն դատապարտում է հայկական եկեղեցու ավերումը
Հայկական եկեղեցին ավերվել է Ադրբեջանի իշխանությունների որոշման արդյունքում. ԱԳՆ արձագանքը
Արման Թաթոյանը հայկական եկեղեցու պղծման փաստերը կներկայացի միջազգային կառույցներին
Արցախի նորանշանակ ՄԻՊ–ն անդրադարձել է Մատաղիսի եկեղեցու պղծման թեմային
թեգերը:
Ադրբեջան, Եկեղեցի, Վահրամ Դումանյան, Հայաստան

Գլխավոր թեմաներ