07:14 19 ապրիլի 2021
Ուղիղ եթեր
  • USD522.20
  • GBP719.54
  • EUR625.49
  • RUB6.89
Հայաստան
Ստանալ կարճ հղումը
78 0 0

Հայրենական մեծ պատերազմի տարիներին հայերի կատարած սխրանքները, Հայաստանում Ռուսաստանի դեսպանի խոսքով, պետք է օգնի հայ ժողովրդին հաղթահարել ներկայիս փորձությունները:

ԵՐԵՎԱՆ, 3 ապրիլի - Sputnik. Այսօր Հաղթանակի զբոսայգում` «Հիշատակի այգում», 100 կեչու և արոսի ծառ է տնկվել` ի հիշատակ Հայրենական մեծ պատերազմում զոհվածների։ Նշենք, որ այս ակցիան մեկնարկել է մարտի 18-ին Ռուսաստանի հարավում, իսկ մարտի 28-ին արդեն այն դարձել է միջազգային։ Ակցիային է միացել Ղրղզստանը, որն էստաֆետը փոխանցել է Հայաստանին:

В Парке Победы (Аллея Пограничников) прошла акция Сад памяти (3 апреля 2021). Еревaн
© Sputnik / Aram Nersesyan
Հաղթանակի զբոսայգում` «Հիշատակի այգում», 100 կեչու և արոսի ծառ է տնկվել

Հայաստանում Ռուսաստանի դեսպան Սերգեյ Կոպիրկինի խոսքով՝ ակցիան խորհրդանշական բնույթ ունի` 27 միլիոն ծառ տնկել Հայրենական մեծ պատերազմի տարիներին զոհված ԽՍՀՄ յուրաքանչյուր քաղաքացու հիշատակին:

«Մենք պետք է հիշենք ոչ միայն ընդհանուր պատմությունը, այլև յուրաքանչյուրին, ով իր կյանքն է զոհել, որպեսզի մենք այսօր ապրենք։ Նրանք զոհվել են հանուն մեր ապագայի, հանուն նրա, որ մեր երեխաներն ավելի լավ կյանքի հույս ունենան»,–ասաց Կոպիրկինը։

В Парке Победы (Аллея Пограничников) прошла акция Сад памяти (3 апреля 2021). Еревaн
© Sputnik / Aram Nersesyan
Հաղթանակի զբոսայգում` «Հիշատակի այգում», 100 կեչու և արոսի ծառ է տնկվել

Նրա խոսքով՝ այժմ ավելի ու ավելի համառորեն են փորձում պատմությունը վերաշարադրել, հիտլերյան ֆաշիզմի ողնաշարը կոտրած խորհրդային ժողովրդի սխրանքը մոռացության մատնել:

Կոպիրկինը կարևորել է նաև, որ ակցիան այժմ տեղի է ունենում Հայաստանում, որը շատ բարդ ժամանակներ է ապրում։

 «Շատ կարևոր է, որ մեր ժողովուրդների, այդ թվում՝ հայ ժողովրդի սխրանքների մասին հիշողությունը հայ ազգին ուժ տա հաղթահարելու այն փորձությունները, որոնց այժմ բախվում են։ Մենք ձեր կողքին ենք և կաջակցենք ձեզ»,–ասաց դեսպանը։

В Парке Победы (Аллея Пограничников) прошла акция Сад памяти (3 апреля 2021). Еревaн
© Sputnik / Aram Nersesyan
Սերգեյ Կոպիրկինը

Նշենք, որ միջոցառմանը մասնակցել են ԱԺ պատգամավորներ, Երևանի քաղաքապետարանի, Երևանում Ռուսաստանի գիտության և մշակույթի կենտրոնի և ՀԿ–ների ներկայացուցիչներ: Երևանից հետո ծառատունկ կիրականացվի նաև այլ վայրերում։ 

В Парке Победы (Аллея Пограничников) прошла акция Сад памяти (3 апреля 2021). Еревaн
© Sputnik / Aram Nersesyan
Հաղթանակի զբոսայգում` «Հիշատակի այգում», 100 կեչու և արոսի ծառ է տնկվել

Ակցիան մեկնարկել է մեկ տարի առաջ։ Ակցիայի կյանքի կոչմանն աջակցել են նաև դպրոցները. աշակերտներն իրենց տան տարածքում տնկել է մեկ ծառ և լուսանկարել այն ու  #СадПамятиДома հեշթեգով տեղադրել ակցիայի պաշտոնական կայքում և սոցիալական ցանցերում։

Ըստ թեմայի

Հայրենական մեծ պատերազմի 99-ամյա վետերանը հաղթել է նաև կորոնավիրուսին
Հերոսները չեն մեռնում. եզդի երգիչն Արցախում զոհված հայրենակիցներին երգ է նվիրել
Ադրբեջանը ոչնչացնում է ամեն հայկականը, անգամ Հայրենական պատերազմի հուշակոթողները. Բաբայան
թեգերը:
Սերգեյ Կոպիրկին, ֆաշիզմ, Զոհ, «Հաղթանակ» զբոսայգի, Այգի, Հայրենական մեծ պատերազմ, Հայաստան

Գլխավոր թեմաներ