ԵՐԵՎԱՆ, 13 ապրիլի - Sputnik. Ազգային ժողովի «Իմ քայլը» խմբակցությունը նոր պատգամավոր ունի. իմքայլական Սուրեն Գրիգորյանին փոխարինեց «Իմ քայլը» դաշինքի համապետական ընտրական ցուցակի առաջին մասի հերթական հաջորդ թեկնածու Վահագն Ալեքսանյանը: Ազգային ժողովի այսօրվա նիստում պատգամավորը երդվեց ու ստանձնեց մանդատը։
Նշենք, որ Սուրեն Գրիգորյանը մարտի 29-ին պատգամավորական մանդատից հրաժարվելու դիմում էր ներկայացրել, որից հետո` ապրիլի 6-ին, նշանակվեց արդարադատության փոխնախարար։
«Իմ քայլի» նախընտրական ցուցակում հաջորդ թեկնածուն Միսակ Բաբաջանյանն էր, որը հրաժարվել էր մանդատից։ Իսկ Վահագն Ալեքսանյանը Sputnik Արմենիայի հարցին ի պատասխան հայտնել էր, որ տեղեկություն չունի Բաբաջանյանի` մանդատից հրաժարվելու մասին:
