18:55 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հայաստան
Ստանալ կարճ հղումը
Հայ գերիներ, անհետ կորածներ (338)
48 0 0

ՀՀ ՄԻՊ–ը տեղեկացրել է, թե ինչ են քննարկել գերության մեջ գտնվող շիրակցի զինծառայողների ընտանիքների հետ։

ԵՐԵՎԱՆ, 13 ապրիլի – Sputnnik. ՀՀ մարդու իրավունքների պաշտպան Արման Թաթոյանն այսօր վաղ առավոտյան Գյումրիում հանդիպումներ է ունեցել Շիրակից այն զինծառայողների ընտանիքների հետ, որոնք Ադրբեջանում գերության մեջ են պահվում մարդու իրավունքների միջազգային պահանջների կոպիտ խախտմամբ: Տեղեկությունը հայտնում են պաշտպանի գրասենյակից։

«Քննարկվել են թե´ գերեվարված զինծառայողների, թե´ նրանց ընտանիքների անդամների իրավունքների պաշտպանության հարցեր, ինչպես նաև Մարդու իրավունքների պաշտպանի իրավասության սահմաններում ձեռնարկվող քայլերը»,–ասված է հաղորդագրության մեջ:

Նշենք, որ ոչ պաշտոնական տվյալներով` մոտ 200 ռազմագերի կա Ադրբեջանում, բայց Ադրբեջանը խոսում է միայն 72–ի մասին։

Շիրակցի զինծառայողները գերեվարվել են նոյեմբերի 9–ի եռակողմ հայտարարության ընդունումից հետո` դեկտեմբերի 16-ին, Խծաբերդում։

Հիշեցնենք, որ ապրիլի 8–ին լուրեր տարածվեցին, որ գերիների նոր խումբ է վերադառնում Հայաստան։ Տեղեկությունը հաստատեց ՀՀ փոխվարչապետ Տիգրան Ավինյանի մամուլի խոսնակ Նժդեհ Հովսեփյանը։ Ադրբեջանում պահվող անձանց ծնողներն ու հարազատները հավաքվեցին «Էրեբունի» օդանավակայանում, սակայն ավելի ուշ Ավինյանի գրասենյակը հայտարարեց, որ գերիների վերադարձը կրկին հետաձգվում է։

ՌԴ–ի համար գերիների խնդիրը վերջնականապես լուծված չէ, դա կարևոր արձանագրում է. Մինասյան

Նույն օրը Ադրբեջանի ԱԳՆ-ն հայտարարություն տարածեց, թե գերիների հարցը լուծված է, Բաքվում այլևս չկան ռազմագերիներ, այնտեղ պահվում են մարդիկ, որոնք իբր անցել են սահմանը պատերազմի ավարտից հետո։

թեմա:
Հայ գերիներ, անհետ կորածներ (338)

Ըստ թեմայի

Գերիների հարազատները բացեցին Գյումրի-Երևան և Գյումրի-Վանաձոր մայրուղիները
ՌԴ–ի համար գերիների խնդիրը վերջնականապես լուծված չէ, դա կարևոր արձանագրում է. Մինասյան
Եվրոպական խորհրդարանում հատուկ քննարկում կկազմակերպվի հայ գերիների վերադարձի հարցով
թեգերը:
Ադրբեջան, ՀՀ ՄԻՊ, Շիրակի մարզ, Հայաստան, ռազմագերի, գերի, Արման Թաթոյան

Գլխավոր թեմաներ