20:27 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հայաստան
Ստանալ կարճ հղումը
25120

Նարեկ Սարգսյանը թաքնվում էր Չեխիայում` Ֆրանկլին Գոնսալես անվամբ։ Միջազգային հետախուզման մեջ գտնվող Սարգսյանը հայտնաբերվել և ձերբակալվել էր 2018թ.–ի դեկտեմբերի 6-ին Պրահայում։

ԵՐԵՎԱՆ, 13 ապրիլի – Sputnnik. ՀՀ վճռաբեկ դատարանը բավարարել է դատախազության բողոքը և Նարեկ Սարգսյանին կալանավորելու որոշում կայացրել։ Այս մասին հայտնում է ՀՀ Գլխավոր դատախազի խորհրդական Գոռ Աբրահամյանը։

ՀՀ ԱԱԾ–ում քննվող քրեական գործով 2018թ․ հունիսից հետախուզման մեջ գտնվող Նարեկ Սարգսյանը 2019թ․ դեկտեմբերի 21-ին արտահանձվել էր Հայաստան և կալանավորվել։
Նարեկ Սարգսյանը թաքնվում էր Չեխիայում` Ֆրանկլին Գոնսալես անվամբ։ Միջազգային հետախուզման մեջ գտնվող Սարգսյանը հայտնաբերվել և ձերբակալվել էր 2018թ.–ի դեկտեմբերի 6-ին Պրահայում։

Նա մեղադրվում է 2018-ի հունիսին ԱԱԾ-ում հարուցված քրեական գործով՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու, ինչպես նաև՝ թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու համար:

Հայաստան տեղափոխվելուց հետո Նարեկ Սարգսյանի պաշտպանները կալանքի որոշումը բողոքարկել էին ՀՀ վերաքննիչ դատարանում, որի 2020թ․ նոյեմբերի 12-ի որոշմամբ Սարգսյանն ազատվել էր կալանքից և նրա նկատմամբ որպես խափանման միջոց էր կիրառվել 25 մլն դրամ գրավը։

ՀՀ վերաքննիչ դատարանի այս որոշումը դատախազությունը բողոքարկել էր Վճռաբեկ դատարանում, որն էլ ապրիլի 12-ին բավարարել էր դատախազության բողոքը։

Նարեկ Սարգսյանի նկատմամբ հարուցված քրեական գործի նախաքննությունն ավարտվել է։ 2020թ․ հեկտեմբերի 9-ին այն մեղադրական եզրակացությամբ ուղարկվել էր Երևան քաղաքի առաջին ատյանի ընդհանուր իրավասության դատարան։
Դատական հերթական նիստը նշանակված է ապրիլի 22-ին։

Ըստ թեմայի

Նարեկ Սարգսյանը կմնա կալանքի տակ
Նարեկ Մութաֆյանի և Սարգիս Օհանջանյանի կալանավորումը որևէ հիմք չունի. պաշտպան
Նարեկ Սարգսյանն ազատ է արձակվել
թեգերը:
կալանք, Դատարան, Ֆրանկլին Գոնսալես, Նարեկ Սարգսյան, Հայաստան

Գլխավոր թեմաներ