ԵՐԵՎԱՆ, 14 ապրիլի – Sputnik. 2018-ի ամռանը, երբ վարչապետ Նիկոլ Փաշինյանը հանդիպել է ՀՀ առաջին նախագահ Լևոն Տեր–Պետրոսյանի հետ, վերջինս ասել է, որ տարածքներ պետք է հանձնի։ Փաշինյանն ԱԺ–ում հայտարարեց այդ մասին` ասելով, որ մի փոքր գաղտնիք է ուզում հայտնել իրենց հանդիպումից։
«Առաջին նախագահն ինձ ասաաց` հողերն արդեն պետք է տաս։ Ես էլ ասում եմ` իսկ ինչի՞ դիմաց։ Առաջին նախագահի պատկերացումն այս շրջանակից դուրս չի եկել, իսկ մնացածը գնահատման հարց է»,–ասաց Փաշինյանը։
Նրա խոսքով` առաջին նախագահը ԼՂ հարցի կարգավորման վերաբերյալ իր կարծիքն ունի, որը մեզ հայտնի է 1997-ի «Պատերազմ, թե խաղաղություն. լրջանալու պահը» հոդվածով։ Փաշինյանը նշեց` 1996-ին Լևոն Տեր–Պետրոսյանն ընտրություններին մասնակցում էր «Հաղթանակ, կայունություն, առաջընթաց» լոզունգով, և այդպես էլ նախընտրական շրջանում ոչ մի խոսք չի եղել լրջանալու և խաղաղության մասին։
Վարչապետը հայտնեց նաև, որ առաջին նախագահը 2016-ին ուղեկցել է ՀՀ երրորդ նախագահ Սերժ Սարգսյանին բանակցային գործընթացում։
Լևոն Տեր-Պետրոսյանը Փաշինյանին առաջարկում է ժամանակավորապես ապաստանել արտերկրում
Նշենք, որ վերջին շրջանում ՀՀ առաջին նախագահ Լևոն Տեր–Պետրոսյանը քննադատությամբ հանդես եկավ Նիկոլ Փաշինյանի հասցեին։
Մասնավորապես, մարտի 15-ին Տեր–Պետրոսյանը հայտարարություն էր տարածել ու ասել` թե՛ պետության, թե՛ ժողովրդի, թե՛ նաև անձամբ վարչապետի շահերից բխող միակ ելքը Փաշինյանի անհապաղ և ինքնակամ հրաժարականն է և Ազգային ժողովի կողմից անձեռնմխելիության իրավական երաշխիքների ապահովմամբ, նրա թեկուզ ժամանակավոր ապաստանումն արտերկրում:
Եթե Սարգսյանը որևէ բան խոստացել է Ալիևին, ապա ծոծրակը տեսնելն է. երրորդ նախագահի արձագանքը
