15:56 20 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հայաստան
Ստանալ կարճ հղումը
62 0 0

ԵՄ հատուկ ներկայացուցիչը խոստացել է ամեն ինչ անել կոնֆլիկտները կանխելու ու ստեղծված իրավիճակում ՀՀ-ին օգնելու համար։

ԵՐԵՎԱՆ, 14 ապրիլի - Sputnik. Սյունիքի մարզպետ Մելիքսեթ Պողոսյանը հանդիպել է Հարավային Կովկասում Եվրոպական միության հատուկ ներկայացուցիչ Տոյվո Կլաարի հետ։ Ինչպես հայտնում են մարզպետարանից, Սյունիք նրա այցի ու մարզպետի հետ հանդիպման նպատակն է եղել տեղում ու փաստացի հասկանալ, թե պատերազմից հետո ինչ իրավիճակ է Սյունիքում և ինչպես են մարզային իշխանություններն ու բնակիչները գնահատում այն։

Հանդիպման ընթացքում Կլաարը մարզպետից հետաքրքրվել է, թե ինչպես է բնակչության ընդհանուր տրամադրությունը, սահմանների նոր տեղորոշումից հետո առաջացած խնդիրներով, որոնց բախվում են մարզի բնակիչները, գյուղատնտեսական աշխատանքներում ստեղծված խոչընդոտներով, անվտանգային հարցերով, մարզի տնտեսության վրա հնարավոր հետագա ազդեցություններով և այլն։

ԵՄ հատուկ ներկայացուցիչը հետաքրքրվել է նաև ճանապարհների հնարավոր ապաշրջափակման մասին տեղեկությունների հանդեպ մարզի բնակիչների վերաբերմունքով։

Մարզպետը նշել է, որ ներկայում մարզում առաջնայինը մարդկանց անվտանգության ապահովումն է ու կարևորել երկու կողմերի՝ մասնավորապես հակառակորդ կողմի զինվորների ու մեր խաղաղ բնակչության միջև չեզոք գոտու սահմանումը, որն այժմ չկա, որը դա լուրջ բարոյահոգեբանական ազդեցություն է ունենում քաղաքացիների վրա։

Պետք է անվտանգության գոտի լինի. Թաթոյանը՝ Սյունիքում տեղի ունեցած միջադեպի մասին

Մելիքսեթ Պողոսյանը նշել է, որ Սյունիքում միջազգային կառույցներից ակնկալում են հնարավորինս ակտիվ ու գործնական ջանքեր՝ առկա խնդիրները խաղաղ ճանապարհով լուծելու ուղղությամբ, որպեսզի մարդիկ հանգիստ ապրեն ու աշխատեն իրենց հողում։

ԵՄ հատուկ ներկայացուցիչը խոստացել է ամեն ինչ անել կոնֆլիկտները կանխելու ու ստեղծված իրավիճակում ՀՀ-ին օգնելու համար։

Ըստ թեմայի

«Թուրքիան ձգտում է գրավել Սյունիքը»․ Իրանի ԶԼՄ-ները հայտնել են տեխնիկայի կուտակման մասին
Պետական վերահսկողական ծառայության պետը գործուղվում է Սյունիքի մարզ
Նիկոլ Փաշինյանն Արայիկ Հարությունյանին Սյունիք է գործուղել
թեգերը:
Եվրամիություն, Մելիքսեթ Պողոսյան, Մարզպետ, Սյունիք

Գլխավոր թեմաներ