12:50 31 հուլիսի 2021
Ուղիղ եթեր
  • USD486.24
  • GBP679.23
  • EUR578.33
  • RUB6.66
Հայաստան
Ստանալ կարճ հղումը
44 0 0

Կաթողիկոսը հայտնել է, որ ամեն ինչ անելու են, որպեսզի մյուս վիրավորներին էլ, ըստ անհրաժեշտության, ուղարկեն արտերկիր բուժման։

ԵՐԵՎԱՆ, 16 ապրիլի - Sputnik. Պատերազմի ընթացքում վիրավորված 6 զինծառայող հետագա բուժման և վերջույթների պրոթեզավորման համար Ավստրիա կմեկնի։ Մայր Աթոռի տեղեկատվական համակարգից հայտնում են, որ այսօր Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռում հյուրընկալել է Ավստրիա մեկնող զինվորներին։

Католикос Гарегин Второй принял военнослужащих, получивших ранения разной степени во второй Карабахской войне (16 апреля 2021). Эчмиадзин
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռում հյուրընկալել է Ավստրիա մեկնող զինվորներին

Նշենք, որ զինծառայողներն արտերկիր են մեկնում Մայր Աթոռ Սուրբ Էջմիածնի և Կենտրոնական Եվրոպայի Հայրապետական պատվիրակության նախաձեռնությամբ ու աջակցությամբ։ Սա ծրագրի առաջին փուլն է։

Ամբողջ հասույթը՝  «Զինվորի տանը». Երևանում բարեգործական համերգ կանցկացվի

«Իզմիրլյան» բժշկական կենտրոնի գործադիր տնօրեն Արմեն Չարչյանը կաթողիկոսին ներկայացրել է բուժման մեկնող զինվորականներին՝ տեղեկացնելով, որ վիրավորում ստացածները կարիք ունեն լրացուցիչ բուժման, որպեսզի նրանց ապաքինումը լինի առավել արդյունավետ ու ամբողջական։

Католикос Гарегин Второй принял военнослужащих, получивших ранения разной степени во второй Карабахской войне (16 апреля 2021). Эчмиадзин
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռում հյուրընկալել է Ավստրիա մեկնող զինվորներին

«Նորին Սրբությունը փաստեց, որ հայ ժողովրդի յուրաքանչյուր զավակ երախտապարտ է և ըստ ամենայնի արժևորում է նրանց՝ ի սեր հայրենիքի դրսևորած անձնազոհ քաջագործությունները»,–նշված է հաղորդագրության մեջ։

Հանդիպմանը Վեհափառ Հայրապետը տեղեկացրել է նաև, որ Մայր Աթոռն իր աշխարհասփյուռ թեմերի ու համայնքների միջոցով ամեն ինչ անելու է, որպեսզի շարունակեն ըստ անհրաժեշտության կազմակերպել տարբեր վիրավորումներ ստացած զինվորականների բուժումն արտերկրի բուժհաստատություններում։

Վաղարշակ Հարությունյանն այցելել է զինվորական հոսպիտալ, տեսակցել զինվորներին

Հիշեցնենք, որ կառավարության հունվարի 21-ի նիստի ժամանակ աշխատանքի և սոցիալական հարցերի նախարար Մեսրոպ Առաքելյանը հայտնել էր` նախարարության նախնական գնահատման` պրոթեզավորման կարիք ունեն պատերազմի մասնակից շուրջ 115 անձ։ Հավելենք, որ արցախյան 44-օրյա պատերազմում հայկական կողմի վիրավորների թվի մասին առ այսօր պաշտոնական տվյալներ չկան։

Ըստ թեմայի

«The Halo trust»-ը զինամթերքի պայթեցման աշխատանք է իրականացնելու Իվանյան գյուղում
Զինծառայողների ապահովագրության հիմնադրամին ավելի քան 4 մլն դրամ է ուղղվել գինու աճուրդից
Զինծառայողների ապահովագրության հիմնադրամի տնօրենը վայր է դնում լիազորությունները
թեգերը:
Ամենայն Հայոց կաթողիկոս Գարեգին Բ, Հայ Առաքելական Եկեղեցի, զինծառայող

Գլխավոր թեմաներ