08:54 21 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հայաստան
Ստանալ կարճ հղումը
14801

Պատասխանող կողմ են ՀՀ վարչապետ Նիկոլ Փաշինյանն ու ՀՀ նախագահ Արմեն Սարգսյանը։

ԵՐԵՎԱՆ, 14 ապրիլի – Sputnik. ՀՀ Զինված ուժերի գլխավոր շտաբի պետի նախկին առաջին տեղակալ Տիրան Խաչատրյանը դիմել է Վարչական դատարան՝ Արշակ Կարապետյանին իրավունքի ուժով ՀՀ ԶՈւ գլխավոր շտաբի պետի առաջին տեղակալի պաշտոնին նշանակելու իրավահարաբերության բացակայությունը ճանաչելու պահանջով։ Տեղեկանում են Դատական տեղեկատվական համակարգից։

Հայցադիմումը մակագրվել է դատավոր Հրաչ Այվազյանին:

Պատասխանող կողմ են վարչապետ Նիկոլ Փաշինյանն ու նախագահ Արմեն Սարգսյանը։

Նշենք, որ ՀՀ վարչապետ Նիկոլ Փաշինյանը ապրիլի 13-ին հայտնել էր, որ Արշակ Կարապետյանն օրենքի ուժով նշանակվել է ԶՈւ ԳՇ պետի առաջին տեղակալի պաշտոնին։ Նրան 2016 թվականի Ապրիլյան քառօրյայից անմիջապես հետո հեռացրել էին ԳՇ հետախուզության վարչության պետի պաշտոնից, քանի որ հետախուզությունը ժամանակին չէր կարողացել իմանալ Ադրբեջանի կողմից նախապատրաստվող հարձակման մասին։ 2018 թվականի դեկտեմբերին` երկրում իշխանափոխությունից մի քանի ամիս անց, գեներալը դարձավ վարչապետի խորհրդական։

Հիշեցնենք, որ Տիրան Խաչատրյանը Վարչական դատարանում վիճարկում է նաև իրեն պաշտոնից ազատելու մասին հրամանը։ Գեներալը համոզված է, որ դատը հաղթելու է։

ԶՈւ ԳՇ պետի առաջին տեղակալին հեռացնելու մասին որոշումը նախագահը կայացրել է փետրվարի 24-ին վարչապետի առաջարկով։ ԶԼՄ–ները հայտնում էին, որ աշխատանքից ազատելու պատճառը գեներալ–լեյտենանտի արձագանքն էր Փաշինյանի այն հայտարարությանը, թե «Իսկանդերը» մարտական գործողությունների ժամանակ պայթել է 10%–ով։ Yerevan.today պարբերականը դիմել էր Խաչատրյանին` մեկնաբանություն ստանալու համար։ Նա ծիծաղել և նշել է, որ նման հայտարարությունները պարզապես անլուրջ են. «Իհարկե՝ հնարավոր չէ... ո՞նց, «Իսկանդե՞րը»... Մեկ կրակո՞ցը... 10 տոկոսո՞վ... Կներեք սա լուրջ չէ»։

«Թող անուն տա, թե չէ ինքն ապացուցում է, որ անգրագետ և սուտասան է». Օհանյանը` Փաշինյանին

Գեներալին պաշտոնանկ անելուց հետո ԳՇ–ն հանդես էր եկել հայտարարությամբ, որը ստորագրել էին ավելի քան 40 բարձրաստիճան զինվորականներ և պահանջել վարչապետի հրաժարականը։

Ըստ թեմայի

Արշակ Կարապետյանը պրոֆեսիոնալ չէ. ԳՇ պետի նախկին տեղակալը` իր իրավահաջորդի մասին
Մի նիստի պատմություն․ ինչպես է Փաշինյանը «գրաքննում» ԳՇ նախկին պետի խոսքերը
Ոստիկանության զորքերում կգործի ԳՇ–ի սկզբունքը. պետին կնշանակի նախագահը`վարչապետի առաջարկով
թեգերը:
Արշակ Կարապետյան, Հայաստան, ՀՀ ԶՈւ գլխավոր շտաբ, Տիրան Խաչատրյան

Գլխավոր թեմաներ