20:02 07 մայիսի 2021
Ուղիղ եթեր
  • USD522.09
  • GBP726.75
  • EUR630.68
  • RUB7.05
Հայաստան
Ստանալ կարճ հղումը
61 0 0

Թեև Նիդեռլանդները պաշտոնապես ճանաչել է Հայոց ցեղասպանությունը, բայց դեսպանն իր ուղերձում «ցեղասպանություն» եզրույթը չի արտասանում։

ԵՐԵՎԱՆ, 24 ապրիլի - Sputnik. Հայաստանում Նիդեռլանդների Թագավորության դեսպան Նիկոլաս Սխերմերսը Հայոց ցեղասպանության 106-րդ տարելիցի առիթով Twitter–ի իր էջում հայերեն տեսաուղերձ է հղել:

Տեսանյութը նկարահանվել է Ծիծեռնակաբերդի հուշահամալիրի մոտ։

«Ապրիլի 24-ը Մեծ եղեռնի զոհերի հիշատակի օրն է: Ամբողջ աշխարհի հայերը, ինչպես նաև Նիդեռլանդների ժողովուրդն այսօր նշում է 1915 թվականին սկիզբ առած զանգվածային սպանությունների և տեղահանությունների օրը։ Սակայն այս իրադարձություններին զոհ գնացած հայերի հիշատակը չի մոռացվի»–ասում է նա:

Ու թեև Նիդեռլանդները պաշտոնապես ճանաչել է Հայոց ցեղասպանությունը, բայց դեսպանն իր ուղերձում «ցեղասպանություն» եզրույթը չի արտասանում։

​Հիշեցնենք` Հայոց ցեղասպանություն են անվանում Օսմանյան կայսրությունում և նրան հարակից շրջաններում 1915-1923 թթ. տեղի ունեցած հայերի զանգվածային բռնագաղթը և կոտորածներն ու բռնի կրոնափոխումը։

Այդ կոտորածները ծրագրեցին ու կազմակերպեցին երիտթուրքերը, իսկ հետագայում ավարտին հասցրեց քեմալական կառավարությունը։
Միջազգային առաջին արձագանքն այս իրադարձություններին դրսևորվեց Ֆրանսիայի, Ռուսաստանի, Մեծ Բրիտանիայի` 1915թ. մայիսի 24-ի համատեղ հայտարարությամբ, որտեղ հայ ժողովրդի նկատմամբ կատարված բռնությունները բնորոշվեցին որպես «հանցագործություն մարդկության և քաղաքակրթության դեմ»: Կողմերը կատարված հանցագործության համար պատասխանատու էին համարում թուրքական կառավարությանը:

Շուրջ մեկուկես միլիոն հայ սպանվեց 1915-1923 թթ., իսկ մնացյալ հատվածը կա՛մ բռնի կերպով հավատափոխ եղավ, կա՛մ ապաստան գտավ տարբեր երկրներում:

Օսմանյան կառավարության կողմից իրականացված Հայոց ցեղասպանության փաստը հիմնավորվել է, ճանաչվել ու հաստատվել ականատեսների վկայություններով, օրենքներով, բանաձևերով և բազմաթիվ նահանգների ու միջազգային կազմակերպությունների որոշումներով:

Թուրքական սպառնալիքի մակարդակն աճել է. փորձագետներն ահազանգում են «ստորջրյա խութերի» մասին

Ըստ թեմայի

Ցեղասպանության ողբերգության ցավը նորովի է պատել մեր ժողովրդի հոգին. Գարեգին Բ–ի ուղերձը
Կրկին ունենք բռնի տեղահանված ժողովուրդ. Արցախի նախագահի ուղերձը
Թուրքիայի հետ պատրաստ ենք երկխոսության, բայց․․․ Նիկոլ Փաշինյանի ուղերձը
«Պահանջատեր լինելուց առաջ ազգովի լինենք հայրենատեր». Սերժ Սարգսյանի ուղերձը
թեգերը:
Նիկոլաս Սխերմերս, Հայոց ցեղասպանություն, ուղերձ, Դեսպան, Նիդեռլանդներ

Գլխավոր թեմաներ