ԵՐԵՎԱՆ, 26 ապրիլի - Sputnik. Հիդրոօդերևութաբանության և մոնիթորինգի կենտրոնը տեղեկացնում է, որ ապրիլի 25-ի տվյալներով Սևանա լճի մակարդակն ապրիլի 19-25-ն ընկած ժամանակահատվածում բարձրացել է 2 սանտիմետրով` կազմելով 1900.72 մետր։
«Ապրիլի 25-ի տվյալներով` Սևանա լճի ներկայիս մակարդակն անցյալ տարվա նույն օրվա մակարդակից բարձր է 18 սմ-ով, իսկ 2021 թվականի հունվարի 1-ի մակարդակից՝ 20 սմ-ով»,–նշված է հաղորդագրության մեջ։
Արփա-Սևան ջրատարով ապրիլի 19-25-ն ընկած ժամանակահատվածում Սևանա լիճ տեղափոխված ջրի քանակը կազմել է 10.558 մլն մ³, իսկ 2021 թվականի հունվարի 1-ից ապրիլի 25-ը ներառյալ՝ 61.460 մլն մ³:
Հիշեցնենք, որ մարտի 18–ի կառավարության նիստի ժամանակ շրջակա միջաբայրի նախարար Ռոմանոս Պետրոսյանն ասել էր, որ նախորդ տարվա նույն ժամանակահատվածի համեմատ Սևանա լճի մակարդակը բարձրացել է 15 սանտիմետրով։
Նա նշել էր, որ այս տարվա կանխատեսումով` վերջին տասնամյակների համար աննախադեպ ցուցանիշ ենք ունենալու` Սևանի մակարդակը կհասնի 1901 մետրի։
