21:18 11 մայիսի 2021
Ուղիղ եթեր
  • USD522.10
  • GBP737.78
  • EUR635.08
  • RUB7.06
Հայաստան
Ստանալ կարճ հղումը
105 0 0

Էթիկայի հանձնաժողով ստեղծելու հարցով անկախ պատգամավորները դիմել են ԱԺ բոլոր խմբակցություններին, բայց դեռ ոչ մի արձագանք չեն ստացել։

ԵՐԵՎԱՆ, 28 ապրիլի - Sputnik. ՀՀ ԱԺ անկախ պատգամավորները հանդես են եկել Էթիկայի հանձնաժողով ստեղծելու պատգամավորական նախաձեռնությամբ։ Այն ուսումնասիրելու է ՀՀ ԱԺ «Իմ քայլը» խմբակցության պատգամավոր, Նիկոլ Փաշինյանի աներորդի Հրաչյա Հակոբյանի` սյունեցիների հասցեին արած հայտարարությունը։ Այս մասին այսօր ԱԺ–ում լրագրողների հետ ճեպազրույցում հայտնեց անկախ պատգամավոր Աննա Գրիգորյանը` նշելով, որ խնդիրը վերաբերում է Սյունիքում տեղի ւունեցած դեպքերից հետո Հակոբյանի հայտնած այն կարծիքին, թե «այդ սյունեցիներինպետք է ստորացնելով բերման ենթարկել»։

«Դա ԱԺ պատգամավորի հնչեցրա՞ծ միտք է։ Ո՛չ, որովհետև նա խախտում է մի շարք օրենքներ, որոնց մասին մենք նշել ենք նաև մեր հայցադիմումի մեջ»,– ասաց Գրիգորյանը։

Պատգամավորը հայտնեց, որ հանձնաժողով ստեղծելու հարցով դիմել են ԱԺ բոլոր խմբակցություններին, բայց դեռ ոչ մի արձագանք չեն ստացել։
Այդուհանդերձ, Աննա Գրիգորյանը վստահ է, որ իրենց առաջարկը չպիտի մերժվի, և հիշեցրեց ԲՀԿ պատգամավոր Նաիրա Զոհրաբյանի նկատմամբ էթիկայի հանձնաժողով ստեղծելու դեպքը։

«Երբ վերջինս օգտագործել էր «ժեխ» բառը ժողովրդի մասին, նրա նկատմամբ ստեղծվեց էթիկայի հանձնաժողով և հարցը քննվեց։ Ինչո՞ւ այժմ բոլորը լուռ են»,– ասաց նա։

«Որոշում է կայացվել Սյունիքի սահմանագիծը համաձայնեցնել ՀԱՊԿ սահմանագծին». Նիկոլ Փաշինյան

Հիշեցնենք` ապրիլի 20-ին ՀՀ վարչապետ Նիկոլ Փաշինյանի Սյունիք կատարած այցից հետո մեկնաբանելով այդ օրը Սյունիքում քաղաքացիներին բերման ենթարկելու դեպքերը, Հրաչյա Հակոբյանն ասել էր. «Բա պետք է բերման ենթարկվեն, և պետք է այ տենց ստորանալով բերման ենթարկվեն, որովհետև նրանք հայհոյում են ՀՀ քաղաքացիներին»:

Սյունիքում Նիկոլ Փաշինյանի դեմ իրականացվող բողոքի ակցիաների առթիվ հարուցված քրեական գործի շրջանակներում ձերբակալվել էր 19 անձ, այդ թվում՝ Մեղրիի համայնքապետ Մխիթար Զաքարյանը, փոխհամայնքապետ Արմեն Սամվելյանը, Գորիսի փոխհամայնքապետ Մենուա Հովսեփյանը։

Գորիսի համայնքապետի տեղակալի ձերբակալումը ճանաչվել է ոչ իրավաչափ

Ըստ թեմայի

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները
«Ես բոքսի օրենքները չգիտեմ»․ Փաշինյանի աներձագը չմենամարտեց Սյունիքի նախկին մարզպետի հետ
Սյունիքում տեղի ունեցածն ուղղորդված էր. Մակունցը կարծում է` բողոքի ակցիայի տեղիք չեն տվել
թեգերը:
Գորիս, Սյունիքի մարզ, Սյունիք, Հրաչյա Հակոբյան

Գլխավոր թեմաներ