ԵՐԵՎԱՆ, 30 ապրիլի – Sputnik. Երևանի ավագանու «Իմ քայլը» խմբակցության անդամ Աննա Ջավախյանը որոշել է դադարեցնել ավագանու անդամի լիազորությունները։ Նա իր որոշման մասին գրել է Facebook–ում։
«Պատճառներն անձնական են, խնդրում եմ հարգել որոշումս։ Ուզում եմ շնորհակալություն հայտնել ավագանու իմ գործընկերներին և Երևանի քաղաքապետին համատեղ աշխատանքի համար՝ ի շահ և բարօրություն մեր սիրելի քաղաքի։ Ինձ համար գերագույն պատիվ էր ձեզ հետ աշխատելը, առհասարակ ձեզ բոլորին ճանաչելը։ Մաղթում եմ մեծ ուժ ու եռանդ հետագա աշխատանքում»,– նշել է նա։
Նշենք, որ ըստ քաղաքապետարանի կայքում հրապարակված տեղեկությունների` Աննա Ջավախյանը ծնվել է Երևանում, 40 տարեկան է։
«Իմ քայլի» պատգամավորը հայտնել է, թե ինչու է որոշել հրաժարվել մանդատից
1998-2003թթ. սովորել և ավարտել է Խաչատուր Աբովյանի անվան հայկական պետական մանկավարժական համալսարանի հայոց լեզվի և գրականության բաժինը՝ «Հայոց լեզվի և գրականության ուսուցիչ» որակավորմամբ։ 2004-2011թթ. աշխատել է ««Մանանա» մանկապատանեկան կրթամշակութային կենտրոն» հասարակական կազմակերպությունում՝ որպես Ժուռնալիստիկայի ստուդիայի ղեկավար՝ միաժամանակ համակարգելով կենտրոնի ուսումնական ողջ գործընթացը, ինչպես նաև եղել է «Եվրոպական երիտասարդական մամուլ» (European Youth Press) կազմակերպության (որի անդամ էր «Մանանա» կենտրոնը), տարածքային համակարգողը։ Համատեղությամբ 2005-2008թթ. աշխատել է «Հայկական ժամանակ» օրաթերթում՝ որպես վերանայող խմբագիր։
Ամուսնացած է, ունի 2 զավակ։
Երևանի ավագանու «Բարգավաճ Հայաստան» խմբակցության անդամը վայր է դնում մանդատը
