11:21 13 մայիսի 2021
Ուղիղ եթեր
  • USD522.27
  • GBP738.12
  • EUR633.77
  • RUB7.03
Հայաստան
Ստանալ կարճ հղումը
276 0 0

Գագիկ Ծառուկյանը վստահեցնում է` 3 միլիոն վարկի համար մարդիկ չպետք է զրկվեն իրենց ունեցվածքից։

ԵՐԵՎԱՆ, 5 մայիսի- Sputnik. Ժողովուրդն այսօր լիարժեք ճահճի մեջ է, խեղդվում, և պետք է քայլ կատարես, մարդու մատից փուշ հանելու հնարավորություն տաս։ ԲՀԿ-ին անդամագրվել ցանկացող երիտասարդների հետ հանդիպման ժամանակ նման կարծիք է հայտնել ԲՀԿ առաջնորդ Գագիկ Ծառուկյանը:

«Հայաստանում 2 միլիոն 200 հազար մարդ վարկի տակ է և մեր ծրագրով 2 մլն մարդ ազատվելու է մինչև 3 մլն իր ունեցած վարկից։ Մարդը չպետք է կորցնի իր տունը, ունեցվածքը, հողը»,–ասաց Ծառուկյանը։

Անդրադառնալով առկա խնդիրներին` Ծառուկյանը նշեց, որ ճիշտ չէր նախարարությունների միավորումը և գյուղատնտեսության նախարարության կրճատումը։ Ծառուկյանի խոսքով` ամբողջ Հայաստանը հիմա գյուղատնտեսությամբ է զբաղվում, հող մշակում, բայց նախարարությունը փակում են։

Բացի այդ, ըստ նրա, թոշակները նույնն են մնացել, իսկ երկրում գնաճ է նկատվում։

Խոսելով երիտասարդներին հուզող` կրթության ոլորտի խնդիրների մասին Ծառուկյանը նշեց, որ շատ երիտասարդներ վարձի պատճառով բուհերից դուրս են մնում: ԲՀԿ առաջնորդը ասաց նաև, որ եվրոպական շատ երկրներում կա օրենք, որ եթե ուսանողն ընդունվել է, գիտելիք ունի, պետությունը վարձը վճարում է։ Իսկ բուհն ավարտելուց հետո, երբ ուսանողն աշխատանքի է անցնում, 5 տարվա ընթացքում իր վարձի գումարը փակում է պետությանը։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

Իսկ ինչ վերաբերում է ուսանողների կրթաթոշակին, ապա Ծառուկյանը նկատեց` 30 տարի շարունակ այն 5000 դրամ է. այն պետք է բարձրացվի։

Հիշեցնենք, որ Ծառուկյանը հայտնել էր, որ հունիսի 20-ի արտահերթ ընտրություններին գնալու է միայնակ։

Ըստ թեմայի

«Բա ես պետք է ճոխ անեմ, հո դո՞ւ չէիր անելու». Ծառուկյանը` որդու հարսանիքի մասին
«Գնում ենք մենակ, գնում ենք հաղթելու». Գագիկ Ծառուկյանը խոսեց ընտրությունների մասին
Գագիկ Ծառուկյանն արդեն կազմել է ԲՀԿ նախընտրական ցուցակի «սևագրությունը». «Ժողովուրդ»
թեգերը:
Բարգավաճ Հայաստան կուսակցություն (ԲՀԿ), Ազգային ժողովի ընտրություններ, Հայաստան, Գագիկ Ծառուկյան

Գլխավոր թեմաներ