15:37 13 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Հայաստան
Ստանալ կարճ հղումը
27001

Ռոբերտ Քոչարյանը կարծում է, որ Իլհամ Ալիևը փորձում է ազդել հայաստանյան արտահերթ խորհրդարանական ընտրությունների վրա։

ԵՐԵՎԱՆ, 25 մայիսի - Sputnik. Ադրբեջանում հնչեցված բոլոր հայտարարությունները պետք է դիտել Հայաստանում տեղի ունեցող ներքաղաքական պրոցեսների կոնտեքստում։ Այս մասին նշեց ՀՀ երկրորդ նախագահ Ռոբերտ Քոչարյանը, մեկնաբանելով Ադրբեջանի նախագահ Իլհամ Ալիևի այն հայտարարությունը, թե պատրաստ է խաղաղության համաձայնագիր կնքել հայաստանյան ընտրություններից հետո։

«Մենք պետք է ամեն ինչ անենք, որ մեր ներքաղաքական օրակարգը չթելադրվի Ադրբեջանի կողմից։ Ես չեմ կասկածում, թե ինչ նախապատվություններ իրենք ունեն այս ընտրությունների կոնտեքստում ու ում կցանկանային տեսնել Հայաստանի վարչապետ», - ընդգծեց նա։

Քոչարյանը կարծում է, որ ադրբեջանը փորձելու է զանազան հայտարարություններով և այլ տարբերակներով ազդել ընտրական գործընթացների վրա։ Ըստ նրա` բանաձևը մեկն է` երբեք Ադրբեջանը չպետք է օրակարգ թելադրի Հայաստանում, ու բոլոր քաղաքական ուժերը պետք է չենթարկվեն այդ ազդեցություններին։

Քոչարյանի կարծիքով` Բաքուն փորձում է ուղղորդել քաղաքացիներին` քվեարկելու վարչապետի պաշտոնակատար Նիկոլ Փաշինյանի և նրա թիմի օգտին։

Նա չի հավատում Փաշինյանի այն հայտարարությանը` իբր ստորագրվելիք փաստաթուղթը 100 տոկոսով համընկնում է Հայաստանի պետական շահերին։ Ըստ Քոչարյանի` ՀՀ վարչապետի ԺՊ Նիկոլ Փաշինյանը մշտապես նման հայտարարություններով է հանդես գալիս, սակայն հանրապետությունը հայտնվել է «տխուր իրավիճակում»։

«Որևէ քայլ, որը կբխեր Հայաստանի Հանրապետության շահերից, չի արվել այս երեք տարվա ընթացքում` ընդհանրապես», – ընդգծեց Քոչարյանը։

Ի՞նչ խնդիր է լուծում Ալիևը Հայաստան ներխուժելով. Դանիելյանը 4 վարկած է առանձնացնում

Ըստ նրա` անգործության է մատնված եղել անվտանգության ոլորտը, տնտեսական բարեփոխումներ չեն իրականացվել և Ղարաբաղյան հարցում նույնպես հայկական կողմին ձեռնտու քայլեր չեն ձեռնարկվել։

Հիշեցնենք, որ Հայաստանում արտահերթ խորհրդարանական ընտրություններ են նախանշված հունիսի 20–ին։

Ըստ թեմայի

Դելիմիտացիան կարող է խնդիրներ ստեղծել ղարաբաղյան բանակցային գործընթացում. Քոչարյան
Սյունիքի իրավիճակը կարող է կրկնվել սահմանի այլ հատվածներում. Ռոբերտ Քոչարյան
Միայն զույգերի մոտ է լինում. Քոչարյանը՝ Սերժ Սարգսյանի հետ տարաձայնությունների մասին
թեգերը:
Իլհամ Ալիև, Նիկոլ Փաշինյան, Վարչապետ, Հայաստան, Ռոբերտ Քոչարյան, Բաքու

Գլխավոր թեմաներ