07:04 25 հունիսի 2021
Ուղիղ եթեր
  • USD507.90
  • GBP709.23
  • EUR606.64
  • RUB7.03
Հայաստան
Ստանալ կարճ հղումը
225 0 0

Ռուս պատգամավորը վստահ է, որ Բաքուն օգտվել է Հայաստանում ստեղծված իրավիճակից, սակայն դա ոչ մի կերպ չի արդարացնում նրա գործողությունները։

ԵՐԵՎԱՆ, 25 մայիսի – Sputnik. Հայաստանի և Ադրբեջանի միջև շփման գծում ստատուս քվոն պետք է վերականգնվի։ Այս մասին Sputnik Արմենիային տված հարցազրույցում ասել է Պետդումայի պատգամավոր, ԱՊՀ գործերի, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ, ԱՊՀ երկրների ինստիտուտի ղեկավար Կոնստանտին Զատուլինը։

Խոսելով Հայաստանի Հանրապետության տարածք ադրբեջանական զինված ուժերի ներխուժման մասին, Զատուլինը կարծիք է հայտնել, որ Բաքվի համար նման հնարավորություն է ստեղծվել այն պատճառով, որ հայ սահմանապահները պարզապես կոնկրետ այդ հատվածներում չեն եղել։

«Այդ հեռավորությունը հաղթահարելու ֆիզիկական հնարավորություն են տվել»,-նշել է ռուսաստանցի պատգամավորը։

Պատգամավորը գտնում է, որ Ղարաբաղում պարտությունից հետո մեծ ջանքեր են պահանջվում ՀՀ զինված ուժերի պաշտպանունակությունը, մարտական ոգին վերականգնելու, ինչպես նաև այն բանի համար, որ ժողովուրդը հավատա, որ պետությունը կարող է սեփական ուժերով պաշտպանվել։

ՀԱՊԿ–ը պետք է ավելի հստակ արտահայտվի Սյունիքի դեպքերի առնչությամբ. իմքայլական պատգամավոր

Զատուլինի տեսանկյունից` տեղի ունեցածը Հայաստանում ներքին պառակտման արդյունք է։ Դրա հետ մեկտեղ, նրա խոսքով, դա ոչ մի կերպ չի արդարացնում «պահը որսացող» Բաքվի սադրանքները։

«Ադրբեջանը փորձում է էլի ինչ-որ առավելությունների հասնել, ուզում է էլի ինչ-որ բաներ շորթել ու ստանալ։ Սա բացարձակ թափանցիկ իրավիճակ է, այն պետք է «ախտորոշվի»։ Ստատուս քվոն պետք է վերականգնվի»,-նշեց Զատուլինը։

Հիշեցնենք` Ադրբեջանի հետ սահմանամերձ տարածքներում իրավիճակը լարվեց հատկապես այն բանից հետո, երբ մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձեց որոշակի աշխատանքներ իրականացնել Սյունիքի ու Գեղարքունիքի սահմանային հատվածներում։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 13-ից ադրբեջանցիների հետ բանակցություններ են անցկացվում։

Մայիսի 20-ին էլ Սյունիքի մարզի Խոզնավար գյուղի հատվածում ՀՀ և ԱՀ ԶՈւ-երի զինծառայողների միջև ծեծկռտուք է տեղի ունեցել։ 11 հայ զինծառայող տեղափոխվել է հիվանդանոց։

Ըստ թեմայի

Զատուլինը խոսել է Արցախը ՌԴ կազմում ներառելու և ռուսերենը պաշտոնական լեզու դարձնելու մասին
Ցավն ուրիշինը չի լինում, առավել ևս, երբ խոսքը հայերի մասին է. Կոնստանտին Զատուլին
Ռուսաստանը չպետք է թույլ տա Թուրքիային խաբել իրեն․ Զատուլինը՝ պատմական անցյալի մասին
«Շևչենկոն ստում է»․ Զատուլինը պատասխանել է Արցախի մասին լրագրողի հարցին
թեգերը:
Ռուսաստան, Կոնստանտին Զատուլին, Հայաստան, Արցախ

Գլխավոր թեմաներ