15:18 12 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Հայաստան
Ստանալ կարճ հղումը
125 0 0

Ադրբեջանը կեղծ տեղեկատվությամբ փորձում է քողարկել Հայաստանի տարածքում իր ապօրինի ռազմական գործողությունները։

ԵՐԵՎԱՆ, 25 մայիսի - Sputnik. ՀՀ արտաքին գործերի նախարարությունն արձագանքել է Գեղարքունիքի մարզի Վերին Շորժայի հատվածում Ադրբեջանի զորամիավորումների կողմից արձակված կրակահերթերից ՀՀ զինծառայող, կրտսեր սերժանտ Գևորգ Խուրշուդյանի սպանության փաստին:

«Խստորեն դատապարտում ենք Ադրբեջանի կողմից ՄԱԿ անդամ պետության՝ Հայաստանի ինքնիշխան տարածքի նկատմամբ իրականացված բացահայտ զինված  ոտնձգությունը, ինչը միջազգային իրավունքի նորմերի խախտում է»,– ասված է ԱԳՆ–ի հայտարարության մեջ:

Արտաքին գերատեսչությունն ընդգծում է, որ հակառակ միջազգային հանրության կոչերի, Ադրբեջանը հրաժարվում է դուրս բերել իր զինված ուժերը Հայաստանի ինքնիշխան տարածքից՝ էլ ավելի սրելով իրադրությունը և խաթարելով տարածաշրջանային անվտանգությունն ու կայունությունը:

«Ադրբեջանի կողմից Հայաստանի ինքնիշխան տարածքում ռազմական գործողությունների իրականացումը իրավունք է տալիս Հայաստանի Հանրապետությանը ձեռնարկելու անհրաժեշտ և համարժեք քայլեր՝ իր ինքնիշխանությունն ու տարածքային ամբողջականությունը պաշտպանելու, բնակչության անվտանգությունն ապահովելու համար»,– նշում է ԱԳՆ–ն` հավելելով, որ Ադրբեջանը փորձում է քողարկել Հայաստանի տարածքում իր ապօրինի ռազմական գործողությունները կեղծ տեղեկատվությամբ։

Ի պատասխան, հայկական կողմը հայտարարում է, որ պատրաստ է ներգրավել միջազգային հետաքննություն՝ տվյալ մահաբեր միջադեպի բոլոր հանգամանքները պարզելու նպատակով:

Հիշեցնենք, որ մայիսի 25-ին` ժամը 14։20-ի սահմաններում, հրազենի կիրառմամբ միջադեպ է գրանցվել Հայաստանի Հանրապետության Գեղարքունիքի մարզի Վերին Շորժայի սահմանային հատվածում։ ՀՀ պաշտպանության նախարարությունը հայտնել էր, որ հակառակորդի կողմից հայ դիրքապահների ուղղությամբ կրակահերթեր են արձակվել։

Ավելի ուշ հայտնի դարձավ, որ Վերին Շորժայրում հակառակորդի կրակոցից հայ զինծառայող է զոհվել։

Ըստ թեմայի

ՀՀ նախագահն ու Ֆրանսիայի դեսպանը խոսել են ադրբեջանցիների ոտնձգությունների մասին
ՀՀ նախագահը դիմել է պետական համապատասխան կառույցներին
Զինծառայողն ինքն է իր գլխին կրակահերթ արձակել «ԱԿՄ» տեսակի ինքնաձիգից. ՔԿ
թեգերը:
Ադրբեջան, զինծառայող, Գեղարքունիքի մարզ, ՀՀ Արտաքին գործերի նախարարություն. ԱԳՆ, Հայաստան

Գլխավոր թեմաներ