06:48 27 հուլիսի 2021
Ուղիղ եթեր
  • USD482.52
  • GBP665.64
  • EUR569.28
  • RUB6.52
Հայաստան
Ստանալ կարճ հղումը
76 0 0

Մոսկվան հսկայական ջանքեր է ներդնում Ղարաբաղը խաղաղ կյանքի վերադարձնելու, ինչպես նաև բուն Հայաստանի անվտանգությունը պահպանելու համար։

ԵՐԵՎԱՆ, 26 մայիսի – Sputnik. Ռուսաստանը միակ երկիրն է, որը գործնական օգնություն է ցուցաբերել Հայաստանին վերջին մարտական գործողությունների հետ կապված ծանրագույն իրավիճակում։ Այս մասին հայտարարել է Հայաստանում Ռուսաստանի դեսպան Սերգեյ Կոպիրկինը՝ «Ռուսաստան. ռազմավարական դաշնակցի կերպարը ժամանակակից հայ հասարակության մեջ» խորագրով խորհրդաժողովի ընթացքում։

Դեսպանն ընդգծել է, որ հսկայական ջանքերի գնով դադարեցվեցին մարտական գործողությունները, Լեռնային Ղարաբաղը խաղաղ կյանքի վերադարձնելու համար ջանքեր են գործադրվել և գործադրվում, դրա վրա հսկայական ռեսուրս է ծախսվում:

«Մենք կարևորում ենք Հայաստանում հասարակության` հնարավորինս արագ հետպատերազմական սթրեսը հաղթահարելը, անվտանգ զգալը, իսկ անվտանգության ապահովման հարցում կարևոր դեր է խաղում նաև ռուսական ռազմակայանը»,-նշեց նա։

Դիվանագետի խոսքով՝ Ռուսաստանն ակտիվ ջանքեր է գործադրում նաև Սյունիքի իրավիճակը շտկելու ուղղությամբ։

Կոպիրկինի գնահատմամբ` հայ-ռուսական հարաբերությունները դարերով ստուգված են։ Անկախ այս կամ այն քաղաքական գործիչների սուբյեկտիվ ցանկություններից, պատմական շրջադարձերը, աշխարհաքաղաքականությունը, համատեղ կյանքի և զարգացման հարյուրամյակներն ապահովել են երկու երկրների և ժողովուրդների հոգևոր արժեքների ընդհանրությունը։

«Մեր պատմության ընդհանրությունը, դարերի ընթացքում զարգացած կապերն այսօր լիովին խաղում են իրենց դերը։ Մեր երկրները շատ կապերով են կապված, շատ սերտ մարդկային կապերով։ Ես անգամ չեմ խոսում տնտեսության մասին։ Դա այն է, ինչը չի կարելի շրջանցել, չի կարելի արհամարհել»,-ավելացրեց նա։

18-20 տարեկան զինվորներն ուղղակի ֆանտաստիկ էին. պատերազմ անցած ռուսահայ բժիշկի հուշերը

Դիվանագետը հիշեցրեց, որ վերջերս՝ մայիսի 9-ին, Հայաստանն ու Ռուսաստանը միասին նշում էին Հաղթանակի օրը։ Ռուսաստանցիների և հայերի համար դա սրբազան ամսաթիվ է։ Նրա կարծիքով՝ վերաբերմունքը Հաղթանակի նկատմամբ կարևոր ցուցիչ է, որն ապացուցում է, որ երկու երկրներն աշխարհում շատ բան միանման են ընկալում։

Ըստ թեմայի

ՀՀ-ի և Ռուսաստանի միջև համագործակցության մեծ ներուժ կա. Չոբանյանն ընդունել է Կոպիրկինին
Արմեն Սարգսյանն ընդունել է Ռուսաստանի դեսպանին. տեսանյութ
«Պետք էր նախօրոք մտածել». ԱՄՆ-ում գտել են՝ ինչով պատասխանեն Ռուսաստանին
թեգերը:
Սյունիք, Արցախ, Պատերազմ, Ռուսաստան, Հայաստան, Սերգեյ Կոպիրկին

Գլխավոր թեմաներ