07:17 25 հունիսի 2021
Ուղիղ եթեր
  • USD507.90
  • GBP709.23
  • EUR606.64
  • RUB7.03

Նոր միջադեպ Տեղ գյուղի մոտակայքում. ադրբեջանցիները սպառնացել են հայ հովիվներին

Հայաստան
Ստանալ կարճ հղումը
468 0 0

Սյունիքի Տեղ խոշորացված համայնքի ղեկավար Ներսես Շադունցը Sputnik Արմենիայի հետ զրույցում անդրադարձել է Խնածախում հայ հովիվների և ադրբեջանցի զինծառայողների միջև տեղի ունեցած վերջին միջադեպին, մանրամասներ ներկայացրել համայնքում տիրող իրավիճակի մասին։

Նոր միջադեպ Տեղ գյուղի մոտակայքում. ադրբեջանցիները սպառնացել են հայ հովիվներին

Մայիսի 30-ի առավոտյան թշնամու զինծառայողները Տեղ համայնքի հայ հովիվներից պահանջել են, որ անասուններին չարածացնեն Հայաստանի պետական տարածքում և սպառնացել են նրանց: Տեղեկությունը Sputnik Արմենիայի հետ զրույցում հայտնեց Տեղ խոշորացված համայնքի ղեկավար Ներսես Շադունցը։

Նրա խոսքով` հովիվների դիմադրության արդյունքում միջադեպը հարթվել է, բայց ոչ մի երաշխիք չկա, որ նման դեպքերը չեն կկրկնվի։

«Այդպիսի դեպքեր լինելու են, եղել են ու կլինեն։ Պետք է խելքներս գլուխներս հավաքենք, մեր բանակը զինենք»,-ասաց նա։

Շադունցն ասում է` փոքր միջադեպերը չհաշված` այս պահի դրությամբ համայնքում ընդհանուր առմամբ հանգիստ է, բայց ամեն պահի իրավիճակը կարող է կտրուկ փոխվել։ Պետք է շատ աշխատել, զգոնությունը բարձր պահել։

«Գիշերը գյուղի տղաները գնում են հերթապահության։ Փորձում ենք օգտակար լինել։ Ուզում ենք այնպես անել, որ ժողովուրդը գիշերները հանգիստ քնի։ էն, որ ասում էին` զենք չունենք, զինեք մեզ, զինել ենք»,- նշեց Շադունցը։

Ովքեր կարող են կանգնել Հայաստան–Ադրբեջան սահմանին․ Նիկոլ Փաշինյանի տարբերակները

Նշենք, որ վերջին շրջանում Սյունիքի և Գեղարքունիքի մարզերում հայերի և ադրբեջանցիների մասնակցությամբ միջադեպերը բավականին հաճախակի բնույթ են կրում։ Խնդրին անդրադարձել է նաև ՀՀ ՄԻՊ Արման Թաթոյանը` կարևորելով Հայաստանի և Ադրբեջանի սահմանին անվտանգային գոտի ստեղծելու անհրաժեշտությունը։

 

Ըստ թեմայի

Ռուսաստանի սահմանապահ զորքերն ընդլայնում են իրենց ներկայությունը Սյունիքում. ՌԴ դեսպան
Սյունիքում նոր ճանապարհներ են կառուցվում. Նիկոլ Փաշինյան
Ինչու Գեղարքունիքում գերեվարված զինծառայողները զենք չեն կիրառել. պարզաբանում
թեգերը:
միջադեպ, հայ, հայ-ադրբեջանական, ադրբեջանցի, Ադրբեջան, հովիվ, Խնածախ, Սյունիք

Գլխավոր թեմաներ