ԵՐԵՎԱՆ, 1 հունիսի – Sputnik. 2021 թ.-ին Հայաստանից ավելի շատ մարդ է հեռացել, քան 2020-ին: Այս մասին այսօր ԱԺ-ում «Բյուջե-2020»-ի քննարկման ընթացքում լրագրողների հետ զրույցում հայտնեց ՀՀ վիճակագրության կոմիտեի նախագահ Ստեփան Մնացականյանը:
«2020թ.-ի արդյունքներով` ՀՀ սահմանային էլեկտրոնային կառավարման համակարգի մուտքերի ու ելքերի տվյալներով հաշվեկշիռը դրական էր, իսկ 2021 թ.-ի առաջին եռամսյակի արդյունքներով բավական բացասական»,- ասաց նա:
Ըստ պաշտոնական վիճակագրության` 2021թ.- հունվար-մարտին ՀՀ-ից դուրս է եկել ՀՀ 127 338 քաղաքացի, մուտք գործել՝ 63 625-ը: Այսինքն՝ 3 ամսում Հայաստանից անվերադարձ հեռացել է 63 713 ՀՀ քաղաքացի:
Համեմատության համար նշենք, որ 2020թ.-ի հունվար-մարտին ՀՀ եկել է 346 625 քաղաքացի, հեռացել՝ 328 016: Այսինքն՝ Հայաստան եկող ՀՀ քաղաքացիների թիվը 18 609-ով ավելի է եղել:
Դե, իսկ 2020-ի մարտի 15-ից Հայաստանի սահմանները կորոնավիրուսի համավրակի հետևանքով փակվել էին, արտագնա աշխատանքի մեկնողներ էլ գրեթե չկային:
Արտագաղթի ցավոտ կողմը, կամ ովքե՞ր և ինչո՞ւ են լքում Հայաստանը
