06:43 25 հունիսի 2021
Ուղիղ եթեր
  • USD507.90
  • GBP709.23
  • EUR606.64
  • RUB7.03
Հայաստան
Ստանալ կարճ հղումը
34 0 0

ՀՀ մարդու իրավունքների պաշտպանը երեխաների հետ ամենատարբեր հարցեր է քննարկել և խորհուրդներ տվել նրանց։

ԵՐԵՎԱՆ, 1 հունիսի - Sputnik. Երեխաների պաշտպանության միջազգային օրը ՀՀ մարդու իրավունքների պաշտպան Արման Թաթոյանը Բուսաբանական այգում հանդիպել է հանրակրթական ու հատուկ դպրոցների սաների, Արցախից տեղահանված երեխաների և հաշմանդամություն ունեցող երեխաների հետ։ Տեղեկությունը հրապարակվել է ՄԻՊ–ի ֆեյսբուքյան էջում։

Омбудсмен Арман Татоян на праздновании Международного дня защиты детей
© Photo : TATEV DURYAN
Մարդու իրավունքների պաշտպանի կազմակերպած միջոցառման մասնակիցները

Հաղորդագրության համաձայն` պաշտպանը երեխաների հետ քննարկել է ամենատարբեր հարցեր՝ սկսած ներառական կրթության կարևորությունից մինչև համացանցային անվտանգություն:

Երեխաներին խորհուրդ է տվել ամենակարևորը լավ սովորել, այդ թվում՝ օտար լեզուներ, լինել իրազեկված ինչպես սեփական իրավունքների, այնպես էլ պարտականությունների վերաբերյալ: Այդ նպատակով ևս մեկ անգամ հիշեցրել է ՄԻՊ–ին դիմելու իրենց իրավունքի մասին:

Омбудсмен Арман Татоян на праздновании Международного дня защиты детей
© Photo : TATEV DURYAN
Արման Թաթոյան

«Միջոցառման ընթացքում ևս մեկ անգամ համոզվեցինք, որ յուրաքանչյուր երեխայի կարողություն պետք է գնահատել յուրովի՝ խթանելով նրանց ինքնուրույն կյանք վարելը: Պետությունը պետք է ներդնի ամեն ջանք՝ երաշխավորելու իրական հնարավորություններ բոլոր երեխաների համար սեփական ուժերով հաջողությունների հասնելու նպատակով», - նշել է Թաթոյանը։

Ինչպես վարվել դեռահասների հետ, որոնք պատերազմ են տեսել. խորհուրդներ մասնագետից

Омбудсмен Арман Татоян на праздновании Международного дня защиты детей
© Photo : TATEV DURYAN
Թաթոյանը երեխաների հետ տարբեր հարցեր է քննարկել

Լսողության առանձնահատկություններ ունեցող երեխաները մասնակիցների համար մնջախաղի միջոցով փոխանցել են ուղերձներ այն մասին, որ հաշմանդամությունը հասարակությունում լիարժեք ինտեգրման, ինչպես նաև սեփական կարողություններն ամենատարբեր ոլորտներում բացահայտելու ու զարգացման խոչընդոտ չի կարող լինել: Մնջախաղից հետո «Փոփոխությունների թատրոնի» դերասաններն ինտերակտիվ խաղի միջոցով երեխաներին իրազեկել են առողջ ապրելակերպի սկզբունքների մասին:

ՀՀ նախագահը հյուրընկալել է սահմանամերձ համայնքների ու արցախցի երեխաներին. տեսանյութ

թեգերը:
երեխա, Արման Թաթոյան, Երևան, Հայաստան

Գլխավոր թեմաներ